कांद्याने केला वांदा, दर घसरला; शेतकऱ्यांच्या डोळ्यांत आणलं पाणी

 कांद्याने केला वांदा, दर घसरला; शेतकऱ्यांच्या डोळ्यांत आणलं पाणी

सोलापूर (कटूसत्य वृत्त):- एकीकडे श्रीलंका सरकारने आयात शुल्कात मोठी कपात केली. याचा फायदा होऊन कांद्याच्या भावात वाढ होईल अशी अपेक्षा शेतकऱ्यांना होती. मात्र कांद्याच्या दरात सुधारणा होण्याऐवजी घसरणच सुरु असल्याचे पाहायला मिळाले आहे. याचाच परिणाम म्हणून लासलगाव, मनमाड, नांदगाव आदी बाजार समित्यांमध्ये लाल कांद्याच्या सरासरी दरात प्रति क्विंटल 800 ते 1000 रुपयांची घसरण झाली आहे. क्विंटलला 800 ते 1000 रुपयांची बसली फोडली गेल्या आठवड्यात लाल कांद्याला क्विंटलमागे 4 हजार 300 रुपये भाव मिळाला होता. आज त्याच कांद्याला सरासरी 3 हजार 500 रुपये भाव मिळाला आहे. कांदाच्या दरात मोठी घसरण झाल्याने कांदा उत्पादक शेतकरी पुरता हवालदिल झाला आहे.शेतकऱ्यांच्या डोळ्यांत पाणी यायची वेळ लाल कांद्यामुळे शेतकऱ्यांच्या डोळ्यांत पाणी यायची वेळ आली आहे. एकीकडे ढगाळ हवामानामुळे लागवड केलेल्या कांद्यावर करपा आणि बुरशीजन्य रोग लागत असताना त्यावर महागड्या औषधांची फवारणी करावी लागत आहे. तर दुसरीकडे कांद्याचे दर घसरल्याने शेतकरी दोन्ही बाजूने होरपळतो आहे.लाल कांद्याचा मागील आठवड्यातील भाव (प्रति क्विंटल)

कमीत कमी दर - 1500 रू

जास्तीत जास्त दर - 5500 रू

सरासरी दर - 4300 रू

लाल कांद्याचा आजचा भाव

कमीत कमी - 1000 रू

जास्तीत जास्त - 5101 रू

सरासरी - 3500 रू

फेंगल चक्रीवादळाच्या भीतीने वाढली कांद्याची आवक

दुसरीकडे, तामिळनाडूतील फेंगल चक्रीवादळाच्या भीतीने सोलापुरात कांद्याची आवक वाढली आहे. सोलापूरच्या कृषी उत्पन्न बाजार समितीत मागील दोन दिवसात जवळपास 850 ट्रक कांद्याची आवक झाली आहे. चक्रीवादळामुळे पावसाची भिती असल्याने अनेक शेतकऱ्यांनी कच्चा कांदा बाजारात आणला आहे.आवक जास्त आणि कच्चा कांदादरम्यान, कांद्याची आवक जास्त आणि कच्चा कांदा असल्याने बाजारात कांद्याचे दर घसरले आहेत. सर्वसाधारण कांद्याला प्रतिक्विंटल दोन हजार ते तीन हजार रुपये भाव मिळतो आहे. तर उच्च प्रतीच्या कांद्याला प्रति क्विंटल चार हजार ते पाच हजार रुपयांपर्यंत भाव मिळतो आहे. काय मिळाला भाव?मवारी 587 गाड्यांतून आला मार्केट यार्डात कांदा आला. 300 गाडया भरून कांदा आवक सरासरी गेल्या आठवडपात होती. शेतकऱ्यांना 1000 हजार ते 5000 हजार रुपये मिळाले. जुन्या कांद्याला साधारण 5000 हजार रुपये भाव मिळाला होता.आणखी कांद्याची आवक होण्याची शक्यतासोमवारी मराठवाडा आणि शेजारच्या कर्नाटकातून कांदा मोठ्या प्रमाणात सोलापुरात आला आहे. आगामी काही दिवसात आणखी कांद्याची आवक होण्याची शक्यता आहे. सोमवारी लाल कांद्याला सोलापूर बाजारात 2600 रुपये, बारामती बाजारात 5000 रुपये, येवला बाजारात 2900 रुपये, लासलगाव विंचूर बाजारात 3800 रुपये तर देवळा बाजारात 3500 रुपये दराने कांद्याची विक्री झाली.