आशा, अंगणवाडी व बचत गटातील महिलांचा सन्मान

 आशा, अंगणवाडी व बचत गटातील महिलांचा सन्मान

भंडारकवठे (कटूसत्य वृत्त):- आरोग्य विभागात तुटपुंज्या मानधनावर काम करणाऱ्या आशा, अंगणवाडी सेविका, मदतनीस आणि बचत गटातील महिलांचा सन्मान म्हणजेच एक प्रकारे मातृत्वाचा सन्मान असल्याचे प्रतिपादन मार्ग फाउंडेशनचे संस्थापक अध्यक्ष संतोष पवार यांनी केले.

      आज, रविवार रोजी सोलापुरातील व्हाईट हाऊस येथे आयोजित केलेल्या नारी शक्तीचा सन्मान या कार्यक्रमाच्यावेळी पवार बोलत होते. अध्यक्षस्थानी मिटकाॅनचे जिल्हा व्यवस्थापक चंद्रकांत लोंढे, सुनिल जाधव, रिपब्लिकन पक्षाचे जिल्हा उपाध्यक्ष बाबासाहेब माने, सदाशिव व्हनमाने, श्रध्दा गायकवाड, आशिफ यत्नाळ, संतोष राठोड, अमोल कांबळे, अमीर शेख, इरफान शेख, उषा कसबे, जनाबाई कोळी, शरणक्का कालेबाग, राजाबी इनामदार, साधना सगर, विद्या कदम, शहनाज तांबोळी, जगदेवी चिंचोळी, गंगावती कुंभारी, माधुरी कोळी, गोदाबाई उमराणी, ज्योती बहिरगोंडे यांच्यासह अन्य उपस्थित होते. तसेच साडी, बॅग आणि प्रमाणपत्र देऊन या महिलांचा सन्मान करण्यात आला.

       मार्गचे पवार म्हणाले की, कोव्हिड सारख्या महामारीच्या वेळी आशा वर्कर महिलांनी समाजाला वाचवण्याचा मोठ काम केलेला आहे. घरोघरी जावून प्रत्येक नागरिकांचे काळजी त्यांनी घेतलेला आहे. तसेच ग्रामीण असो वा शहरी भागातील सामान्य कुटूंबातील लहान मुलांना चांगल वळण लागावेत यासाठी अंगणवाडीच्या सेविका आणि मदतनीस यांचे मोठ योगदान आहे. बचतीच सवय लागून त्यातून नवीन उद्योग व्यवसाय देखील महिलांनी उभारलेला आहे. म्हणून मार्गकडून या मातृत्वाचा सन्मान करण्याचा निर्णय घेतला. समाजातील या अति महत्वाचे घटक असल्याचेही त्यांनी नमूद केले. ब्युटी पार्लर सारख्या व्यवसायात महिलांना उभारी घेता येऊ शकतो.

     मिटकाॅनचे चंद्रकांत लोंढे म्हणाले की, महिलांनी स्वतंत्र व्यवसाय उभारून उद्योजक व्हावे. आणि आर्थिक सहकार्यासाठी मिटकाॅनसह मार्ग फौंडेशन तुमच्या सोबत राहणार असल्याचेही त्यांनी सांगितले.

तीस महिलांना दिले मोफत बुटी पार्लरचे  प्रशिक्षण

मार्ग फाउंडेशनच्या वतीने एक महिन्याचा मोफत ब्युटी पार्लर प्रशिक्षण शिबीर आयोजित करण्यात आला होता. यातील महिला प्रशिक्षणार्थी महिला प्रमाणपत्राचे वाटप करण्यात आले.