प्रधानमंत्री राष्ट्रीय बाल पुरस्कार २०२४ करीता अर्ज करण्याचे आवाहन

 प्रधानमंत्री राष्ट्रीय बाल पुरस्कार २०२४ करीता अर्ज करण्याचे आवाहन

 सोलापूर  (कटूसत्य वृत्त):- 

     केंद्रीय महिला व बाल विकास मंत्रालयाच्या वतीने प्रधानमंत्री राष्ट्रीय बाल पुरस्कार दर वर्षी प्रदान केला जातो. यासाठी अर्ज करण्याची अंतिम तारीख ३१ ऑगस्ट २०२३ करण्यात आली आहे.  अर्ज सादर करण्याच्या प्रक्रीयेची संपूर्ण माहिती https://awards.gov.in या संकेत स्थळावर उपलब्ध आहेत, अशी माहिती जिल्हा महिला व बाल विकास अधिकारी बी.जी. काटकर यांनी दिली आहे.

                 असामान्य, धाडस, क्रीडा, समाजसेवा, विज्ञान आणि तंत्रज्ञान, पर्यावरण , कला, आणि संस्कृती ,तसेच नवोन्मेष या क्षेत्रातील अतुलनीय  कार्याला राष्ट्रीय पातळीवर नावलौकिक मिळवुन देण्याच्या उद्देशाने या पुरस्कारांची सुरवात करण्यात आली आहे. भारतातील असामान्य कामगिरी करणाऱ्या बालकांना  राष्ट्रपती, भारत सरकार यांचे हस्ते गौरवण्यात येणार आहे. 

                 भारताचे नागरिकत्व आणि रहिवाशी असलेली मुले, मुली ज्यांचे वय १८ वर्षापेक्षा कमी आहे, असे पुरस्कारासाठी अर्ज करू शकतात. या पुरस्कारांसाठीचे अर्ज विहीत केलेल्या https://awards.gov.in  या संकेतस्थळावरच्या माध्यमातुनच स्विकारण्यात येणार आहेत.