द्विसदस्यीय प्रभाग रचनेत जुन्या प्रभाग १४ मधील स्थानिक उमेदवारी निर्णायक ठरणार

 द्विसदस्यीय प्रभाग रचनेत जुन्या प्रभाग १४ मधील स्थानिक उमेदवारी निर्णायक ठरणार

क्रांतीनगर मधून लखन कोळी यांच्या उमेदवारीचीच वाढती मागणी

मोहोळ (कटूसत्य वृत्त):- यापूर्वीच्या प्रभाग रचनेतील प्रभाग १४ हा गेल्या अनेक वर्षापासून शिवसेनेचा बालेकिल्ला जरी असला तरी या प्रभागातून गेल्या वेळी राष्ट्रवादी काँग्रेसचे उमेदवाराचा विजय केवळ चार मताने झाला होता. या प्रभागात गेल्या वर्षभरापासून स्थानिक उमेदवारीचा मुद्दा अत्यंत वेगाने पुढे आला आहे. नगरपरिषदेची निवडणूक आरक्षण प्रक्रिया होण्याच्या पूर्वीपासूनच गतवर्षी या प्रभागातून सामाजिक कार्यकर्ते तथा राष्ट्रवादीचे युवा नेते लखनभाऊ कोळी हे निवडणूक लढवणार या चर्चेला वेग आला होता. यापूर्वीच्या सोडतीमध्ये ज्यावेळेस हा प्रभाग सर्वसाधारण खुला झाला त्यापूर्वीपासूनच लखनभाऊ कोळी यांनी निवडणूक या प्रभागातुन लढवावी असा त्यांच्या समर्थकांचा रेटा आजही कायम आहे. त्यानंतर प्रभागातील सर्व ज्येष्ठ कनिष्ठ व्यक्तींची बैठक बोलावून लखनभाऊ कोळी यांनी ही निवडणूक लढविण्याचा निर्णय घेतला. त्यानंतर लखनभाऊ कोळी यांनी राष्ट्रवादी काँग्रेस पक्षाकडून निवडणुक लढविण्याचा निर्णय घेत राष्ट्रवादी काँग्रेस पक्षाकडून या प्रभागातून उमेदवारीची मागणी देखील केली होती. मात्र नंतर कोरोणा महामारीमुळे निवडणुका रखडल्यामुळे जरी राजकीय दृष्ट्या प्रभागात शांतता असली तरी लखन कोळी यांनी सामाजिक उपक्रम सुरूच ठेवले. लखनभाऊ कोळी यांचा कोळी परिवार हा या प्रभागाचा गेल्या अनेक वर्षापासून अविभाज्य घटक आहे. कोळी परिवार गेल्या अनेक वर्षापासून विविध सामाजिक उपक्रम राबवत आहे. या परिवारातील सदस्य असलेले लखन भाऊ कोळी हे सामाजिक कार्यात गेल्या अनेक वर्षापासून अग्रेसर आहेत. त्याचबरोबर अनगरकर पाटील परिवाराशी कोळी परिवाराचा स्नेह गेल्या अनेक वर्षापासून कायम आहे. लखनभाऊ कोळी हे माजी आमदार राजन पाटील यांच्या नेतृत्वाखालीच प्रभाग चौदामध्ये सुरुवातीपासून सातत्याने कार्यरत आहेत. त्यामुळे त्यांनी राष्ट्रवादी पक्षाचे नेतृत्व मान्य करीत याच पक्षाकडून प्रभाग १४ मधून उमेदवारीची मागणी केली. त्यामुळे राष्ट्रवादीकडून लखनभाऊ कोळी यांना उमेदवारीची संधी मिळाल्यास शिवसेना उमेदवाराला कडवी झुंज देऊन हा प्रभाग राष्ट्रवादीच्या ताब्यात कायम ठेवण्यासाठी लखन भाऊ कोळी हे सरस ठरणार आहेत.त्यामुळे लखनभाऊ कोळी यांना राष्ट्रवादीची उमेदवारी द्यावी अशी स्थानिक राष्ट्रवादी कार्यकर्त्यांची मागणी आजही कायम आहे.प्रभागातील कार्यकर्ता मग तो वयाने मोठा असो अथवा लहान प्रत्येकाला आदरयुक्त मैत्रीच्या विश्वात सहभागी करून प्रत्येकाला आपुलकी आणि जिव्हाळा लावण्याचा लखनभाऊ यांचा स्वभाव. प्रभागातील ज्येष्ठांना काहीही प्रशासकीय अडचण असली की प्रत्येक जण हक्काने लखनभाऊंना बोलावतो. अनेक सुख दुःखाच्या क्षणी लखनभाऊ न बोलावता हजर असतात. हा त्यांचा माणुसकीचा स्वभाव सर्वांनाच भावला त्यामुळे लखनभाऊ कोळी यांचे इलेक्टिव्ह मेरिट सध्या सर्वच पक्षात उत्सुकतेचा विषय बनले आहे. राष्ट्रवादी काँग्रेस पक्षाकडून उमेदवारीची मागणी करण्यापूर्वी अनेक दिग्गज पक्षांनी, इतर आघाड्यांनी लखन कोळी यांना आपल्याकडे खेचून घेण्याचा प्रयत्न केला. मात्र राष्ट्रवादी काँग्रेसची विचारधारा सदैव सोबत ठेवण्याचा निर्धार निश्चित केलेल्या लखन कोळी यांनी इतर कोणत्याही पक्षाकडे उमेदवारीची मागणी न करता आणि आलेल्या ऑफर नाकारत ही निवडणूक राष्ट्रवादीकडूनच लढवण्याचा घेतला.  द्विसदस्यीय प्रभाग रचनेमध्ये प्रभाग क्रमांक १४ चे मतदान कोणतेही प्रभागाला जोडले तरी लखन कोळी यांचाच करिश्मा कायम राहणार असल्याचे स्पष्ट राजकीय संकेत जाणवत आहेत.