जलसंपदामंत्री जयंत पाटील यांच्या आदेशामुळे सांगोला तालुक्यात म्हैसाळचे पाणी शेवटच्या टप्प्यात

जलसंपदामंत्री जयंतजी पाटील यांच्या आदेशामुळे सांगोला तालुक्यात म्हैसाळचे पाणी शेवटच्या टप्प्यात

हंगिरगे येथील वाघ तलावातील पाण्याचे मा.आ दीपकआबा साळुंखे पाटील यांच्या हस्ते पूजन

सांगोला /प्रतिनिधी:जलसंपदामंत्री जयंतजी पाटील यांच्या आदेशामुळे सांगोला तालुक्यांमध्ये म्हैसाळचे पाणी अखेरच्या टप्प्यांमध्ये आले आहे. हंगिरगे येथील वाघ तलावात पाणी पोहचातच सदर पाण्याचे पूजन राष्ट्रवादी काँग्रेस पार्टीचे प्रदेश उपाध्यक्ष मा. आम. दिपकआबा साळुंखे पाटील यांच्या हस्ते सोशल डिस्टन्स चे पालन करीत करण्यात आले. दरम्यान म्हैसाळ योजनेचे पाणी या भागात दाखल झाले आणी आज जो शेतकऱ्यांच्या चेहर्‍यावरील आनंद आहे त्यातच खरे समाधान असल्याचेही पाणी पूजना दरम्यान मा. आम. दिपकआबा साळुंखे-पाटील यांनी सांगितले.

यावेळी सरपंच सुग्रेशन सावंत, माजी सरपंच आप्पासाहेब वाघ, धोंडीराम काटे ,अशोक चोरमुले, राष्ट्रवादी काँग्रेस पार्टीचे नेते दिलीप मोटे, आबासो कोरे, बिरू घुणे ,बंडू साबळे, सुरेश काटे, सर्जेराव वाघ, आदी मान्यवर उपस्थित होते.

मागील पाच वर्षांच्या भाजप सरकारच्या काळामध्ये पाणी शेवटच्या टप्प्यात पोहोचवण्याचा प्रयत्न केला गेला. परंतु सांगोला तालुक्यातील म्हैसाळचे पाणी अखेरच्या टप्प्यात पोहोचू शकले नाही. मा.आम. दिपकआबा साळुंखे पाटील यांच्या अथक प्रयत्नाने व जलसंपदामंत्री जयंतजी पाटील यांच्या पाठपुराव्यामुळे अखेर आज म्हैसाळचे पाणी शेवटच्या टप्प्यापर्यंत पोहोचले आहे. तसेच त्याची प्रक्रियाही सुरू आहे. सांगोला तालुक्यातील पाण्याच्या सिंचन योजना पूर्ण करण्यासाठी देशाचे नेते शरदचंद्रजी पवार साहेब यांच्या नेतृत्वाखाली राष्ट्रवादी काँग्रेस पार्टीच्या माध्यमातून प्रयत्न सुरू आहे. यामध्ये दुष्काळी तालुक्यातील नागरिकांच्या पिण्याचा व शेतीच्या पाण्याचा प्रश्न संपवण्यासाठी जलसंपदामंत्री सांगोला येथे आले असता, तालुक्‍याच्या दुष्काळी भागाला टेंभू व म्हैसाळ सिंचन योजनेतून पाणी सोडावे अशी मागणी मा.आम. दिपकआबा साळुंखे पाटील यांनी केली होती. दरम्यान महापुराचे पाणी नदी, नाले, ओढे यामार्फत वाहून जात आहे. तेच पाणी दुष्काळी भागाला म्हणजे सांगोला तालुक्याला सोडले तर या भागातील पाण्याचा प्रश्न काही प्रमाणात मार्गी लागणार आहे. तसेच शासनाचा पाण्यावर कोट्यावधी रुपये होणारा खर्च देखील वाचणार आहे. याबाबतही विचार करावा अशी मागणी करण्यात आली होती. यावर सकारात्मक प्रतिसाद देत, जलसंपदा मंत्री जयंत पाटील यांनी मागील काही दिवसापूर्वीच दुष्काळी भागाला महापुराचे पाणी सोडणार असल्याचा निर्णय जाहीर केला आहे. त्याबरोबर संबंधित खात्याला आदेश देऊन म्हैसाळ योजनेचे पाणी सांगोला तालुक्याच्या शेवटच्या टप्प्यापर्यंत सोडण्यात यावे असेही सूचना दिल्या होत्या त्यानुसार आज सांगोला तालुक्यातील हंगिरगे येथे म्हैसाळ योजनेचे पाणी दाखल झाले आहे. सदर चे पाणी गावात दाखल होताच शेतकरी नागरिकांमधून समाधानाचे वातावरण आहे.

म्हैसाळ चे हे पाणी हंगिरगे गावचा मोठा पाझर तलावात पोहचले आहे. या पाण्यावर गावचा पूर्वभाग साबळे, सावंत ,कदम वस्ती चव्हाणवस्ती आदी परिसरातील वस्त्यावरील शेतीसाठी व पिण्याच्या पाण्यासाठी याचा लाभ होणार आहे. मंगळवेढा डीवाय वरून पाझर तलाव, सांगोला डीवाय वरून वाघ तलाव भरून घेण्यात आला आहे. या तलावाच्या माध्यमातून काटे, ,चौगुले, बनसोडे, सावंत वस्ती या भागामध्ये प्रथमच पाणी पोहोचले आहे.

तसेच सांगोला डीवाय वरून हंगिरगे खालील पावणे वस्ती तलाव, काळेवाडी अंतर्गत भरून घेण्यात आला आहे. या पाण्याचा लाभ पोकळे ,काळे, चोरे आधी वस्त्यांमधील शेतीचा व पिण्याच्या पाण्याचा प्रश्न मिटण्यास फायदा होणार आहे.

सध्या गावडेवाडी पाझर तलाव भरून देण्याची प्रक्रिया सुरू आहे. गेजगे वस्ती तलाव भरून देण्यास सुरुवात झाली आहे. यामुळे हंगिरगे गाव व परिसरातील वाड्या वस्त्यांना पिण्याच्या पाण्याचा व काही प्रमाणात शेतीच्या पाण्याचा प्रश्न मार्गी लागणार आहे.

* जलसंपदामंत्री यांच्या आदेशामुळे सांगोला तालुक्यातील म्हैसाळचे पाणी अखेर शेवटच्या टप्प्यात 

* मा. आमदार दिपकआबा साळुंखे पाटील यांच्या पाठपुराव्याला यश

* सध्या गावडेवाडी पाझर तलाव भरून देण्याची प्रक्रिया सुरू आहे.

* यामुळे मंगळवेढा डीवाय, सांगोला डीवाय अंतर्गत येणाऱ्या वस्त्यांचा पाण्याचा प्रश्न सुटण्यास मदत होणार आहे.