सोलापूरचे सुपुत्र सहाय्यक आयुक्त सूर्यकांत श्रीमंत खटके यांची यशस्वी धाव

 सोलापूरचे सुपुत्र सहाय्यक आयुक्त सूर्यकांत श्रीमंत खटके यांची यशस्वी धाव

सोलापूर (कटूसत्य वृत्त):- 'खारघर हिल महापौर मॅरेथॉन' मध्ये आपल्या सोलापूरची व सद्या कौशल्य विकास ,रोजगार व उद्योजकता आयुक्तालय नवी-मुंबई येथील सहाय्यक आयुक्त सूर्यकांत श्रीमंत खटके यांची यशस्वी धाव
लडाख मैराथन ,टाटा मुंबई प्रोकैम मॅरेथॉन,टाटा अल्ट्रा मॅरेथॉन,लोणावळा वर्षा मैराथन ,माउंट अबू मैराथन व अनेक प्रतिष्ठेच्या मॅरेथॉन मध्ये यशस्वी सहभाग घेतलेले नवी मुंबई कौशल्य विभाग येथील सहायक आयुक्त सूर्यकांत खटके यांनी सेंट्रल पार्क, खारघर येथे पनवेल महानगरपालिकेच्या वतीने आयोजित केलेल्या 'खारघर हिल महापौर मॅरेथॉन' मध्ये सहभागी होत 21.2 किलोमीटरचे अंतर 2 तास ३४ मिनिटे १८ सेकंदात पूर्ण केले आहे. या मुळे  शारीरिक तंदुरुस्तीचे महत्त्व पुन्हा एकदा अधोरेखित केले.
          नवी मुंबई कौशल्य विकास विभाग येथील अत्यंत महत्त्वाचा कारभार  सांभाळताना आपल्या अत्यंत व्यस्त दिनक्रमातही सूर्यकांत खटके यांनी दररोज पहाटे लवकर उठून धावण्याचा सराव मागे पडू दिला नाही.  यामुळे  दैनंदिन कामावर कोणताही परिणाम होऊ दिला नाही. ध्येय, मेहनत व सातत्य या त्रिसूत्रीच्या बळावर शारीरिक तंदुरुस्ती प्रमाणेच आपले लक्ष्य साध्य करण्यासाठी महत्त्वाची ठरणारी जिद्द या धावण्याच्या सरावातून त्यांनी मिळविली आहे. खारघर हिल मॅरेथॉन मधील आणखी एका यशस्वी कामगिरीबद्दल सहाय्यक आयुक्त सूर्यकांत खटके यांचे सर्व स्तरांतून अभिनंदन करण्यात येत आहे.