शरीरमाद्यं खलु धर्मसाधनम्' मानवी देह धर्म करण्यासाठी म्हणजेच आत्मसाधना- मुनी श्री प्रशांत रत्न
सोलापूर (कटूसत्य वृत्त):- चौऱ्यांशी लाख योनींमध्ये सर्व प्राणी फेरे घेत आहेत. त्यामध्ये जेव्हा अत्यंत मोठे पुण्य उदयाला येते, तेव्हा कुठे मानवी देह प्राप्त होतो. मानवी देह आपल्याला कशासाठी मिळाला आहे? त्याचा वापर आपण कसा केला पाहिजे? या विषयाचे ज्ञान नसल्यामुळे अज्ञानी लोक विवेकहीन होऊन मानवी देह केवळ कमवणे, खाणे आणि फिरणे/वाया घालवणे यातच संपवून टाकतात. शास्त्रकार महर्षी म्हणतात, 'शरीरमाद्यं खलु धर्मसाधनम्' — मानवी देह धर्म करण्यासाठी म्हणजेच आत्मसाधना करण्याचे एक प्रबळ साधन आहे असे प्रतिपादन मुनी श्री प्रशांत रत्न यांनी केले.
आई-वडील इत्यादी गुरुजनांचा अनादर करणे, इतर जीवांना त्रास देणे, मत्सर, क्रोध, द्वेष इत्यादी अशुभ भावांच्या आहारी जाऊन मारहाण, हिंसा, खोटे बोलणे अशा पापांचे आचरण करून पापांची वाढ केल्याने मानवी देह व्यर्थ ठरतो.
धर्मसाधनेमुळे मानवी देह सफल होतो, तर पापकर्मामुळे हाच मानवी देह निष्फळ ठरतो. शेकडो जन्मांनंतर मिळालेल्या या मानवी देहाला तुम्ही का वाया घालवत आहात? म्हणून आत्मसाधाना करा.
.jpg)
No comments:
Post a Comment