उर्दू घर नूतन इमारतीचा लोकार्पण सोहळा 7 मार्चला

 उर्दू घर नूतन इमारतीचा लोकार्पण सोहळा 7 मार्चला 

         सोलापूर(कटूसत्य वृत्त):-सोलापुरातील उर्दू घर या नूतन इमारतीचे उद्घाटन व लोकार्पण सोहळा गुरुवार दि. 07 मार्च 2024 रोजी सकाळी 11.00 वा. उच्च व तंत्रशिक्षण, वस्रोद्योग आणि संसदीय कार्य  तथा पालकमंत्री चंद्रकांत पाटील यांच्या अध्यक्षतेखाली व अल्पसंख्याक विकास व औकाफ, पणन, मंत्री अब्दुल सत्तार   यांच्या हस्ते होणार असल्याची माहिती उर्दू घर सांस्कृतिक समिती तथा प्रांताधिकारी सदाशिव पडदुणे यांनी दिली.

      तसेच उद्घाटन कार्यक्रमानंतर  सायंकाळी 5.00 ते 7.00 या वेळेत गझल गायनाचा कार्यक्रम व  सायंकाळी 7.00 ते 9.00 या वेळेत उर्दू मुशायरा च्या कार्यक्रमाचे आयोजन केलेले असून,  जास्तीत जास्त नागरीकांनी सहभाग व्हावे असे आवाहनही  प्रांताधिकारी सदाशिव पडदुणे यांनी केले आहे.