पुण्यात दि. 6, व 7 जानेवारीला "विचारवेध " संमेलन...! 'लोकशाहीच्या संरक्षणासाठी लोकांचा जाहीरनामा' या विषयावर संमेलनात रंगणार चर्चा....!!

 पुण्यात दि. 6, व  7  जानेवारीला "विचारवेध " संमेलन...! 

'लोकशाहीच्या संरक्षणासाठी लोकांचा जाहीरनामा'  या विषयावर संमेलनात रंगणार  चर्चा....!! 

पुणे (कटू सत्य वृत्त): -विचारवेध असोसिएशन, युवक क्रांती दल, आणि महाराष्ट्र गांधी स्मारक निधी यांच्या संयुक्त विद्यमाने दि. 6 आणि 7 जानेवारी  2024 रोजी विचारवेध संमेलनाचे आयोजन करण्यात  आल्याची माहिती आनंद करंदीकर आणि सरिता आवाड  यांनी श्रमिक पत्रकार संघात झालेल्या पत्रकार परिषदेत दिली. पुढे बोलताना करंदीकर म्हणाले की, " हा लोकशाहीच्या संरक्षणासाठी लोकांचा जाहीरनामा ही या संमेलनाची प्रमुख संकल्पना असून विविध आंदोलनातील कार्यकर्ते तसेच विचारवंत यामध्ये सहभागी होणार असून हे संमेलन गांधीभवन कोथरूड या ठिकाणी होणार असून लोकसभा निवडणुक होण्याची शक्यता असल्याने नागरिकांना पुरेशा माहिती वर आधारित विचारपूर्वक आणि निर्भय मतदान करता यावे. लोकशाहीच्या बळकटीकरणासाठी हे अत्यावश्यक आहे. लोकशाहीच्या रक्षणाच्या तातडीच्या प्रश्नावर विचार करण्यासाठी हे संमेलन आयोजित करण्यात आले आहे. 

या  संमेलनामध्ये योगेंद्र यादव,  तुषार गांधी,  डॉ.  राम पुनियानी,डॉ. कुमार सप्तर्षी, निरंजन टकले,  हरीष सदानी, सुनीती सु .र., अजित रानडे, आणि संदीप बर्वे आदी मान्यवर दोन दिवशीय विविध सत्रात मोलाचे मार्गदर्शन करणार आहेत. 6 जानेवारी ला  सकाळी साडेदहा वाजता योगेंद्र यादव यांच्या' लोकतंत्र की रक्षा के सामने चुनौतिया' या भाषणाने संमेलनाला सुरुवात होईल. त्यानंतर आनंद करंदीकर विचारवेध संमेलनाची भूमिका प्रस्ताविकेतून मांडतील. साडेअकरा वाजता ' लोकशाही खच्चीकरणाचे जागतिक प्रयत्न' या विषयावर अरविंद वैद्य यांचे व्याख्यान होईल. दुपारी बारा वाजता सुनिती सु.र. यांचे ' लोकशाही रक्षणासाठी लोकांचे धडे' या विषयावर व्याख्यान होईल. दुपारी पावणेदोन वाजता  ' माध्यमांचे स्वातंत्र्य आणि लोकशाही' या विषयावर अलका धुपकर संवाद साधतील. 

त्यानंतर राही श्रुती गणेश या  ' शिक्षण संस्थांना फॅसिस्टांची मगरमिठी ' या विषयावर सविस्तर माहिती देतील. दुपारी साडेतीन वाजता' मुस्लिम मागासवर्गीय आणि लोकशाही रक्षण'या विषयावर तमन्ना इनामदार बोलणार आहेत. सायंकाळी चार वाजता  अॅड. प्रियदर्शी तेलंग हे' लोकशाहीसाठी दलित संघटन' या विषयावर आपले मत मांडतील. सायकल पावणे पाच वाजता वसुधा सरदार या ' दारू मुक्ती साठी चळवळ उभारणी' या विषयावर तर प्रभात सिन्हा हे ' माणदेशी चॅम्पियन्स ' या विषयावर माहिती देतील. त्यानंतर सव्वा सहा वाजता ' हू किल्ड गांधी' हा माहितीपट दाखवला जाईल.  आणि तुषार गांधी यांच्याशी चर्चा केली जाणार आहे.  रविवार दि.  7 जानेवारी या संमेलनाच्या दुसऱ्या दिवशी  सकाळी सव्वादहा वाजता समूहगीतांनी संमेलनाला प्रारंभ होईल. साडेदहा वाजता ' सद,भावना मिशन' या विषयावर डॉ.  राम पुनियानी  मार्गदर्शन करतील. त्यानंतर " लोकशाही आणि रक्षण" या विषयावर निरंजन टकले यांचे व्याख्यान होईल. दुपारी बारा वाजता "स्त्रीवादाच्या संदर्भात लैंगिक हक्क संरक्षण" या विषयावर हरी सदानी हे  उपस्थित श्रोत्यांशी संवाद साधतील. पाऊण एक वाजता  " संविधान प्रचार चळवळीचा अनुभव " याविषयी संदीप बर्वे मार्गदर्शन करतील. दुपारी सव्वा दोन वाजता "स्थानिक स्वराज्य संस्थांतील महिला प्रतिनिधीचे सक्षमीकरण" या विषयावर भीम रासकर मनोगत व्यक्त करतील. त्यानंतर दुपारी पावणेतीन वाजता याच विषयावर  नीती दिवाण हिंदीतून माहिती देतील. सायंकाळी चार वाजता "लोकशाही बळकटीकरणासाठी सामाजिक सलोखा" या विषयावर अजित रानडे यांचे व्याख्यान होईल. सायंकाळी सव्वा पाच वाजता "लोकशाही रक्षणाच्या लढ्याची दिशा" या विषयावर डॉ.  कुमार  सप्तर्षी उपस्थित श्रोत्यांना सविस्तर मार्गदर्शन करतील. सहा वाजता सरिता आवाड संमेलनाचा समारोप करतील. 1993 साली महाराष्ट्रातील पुरोगामी विचारवंतांनी आणि कार्यकर्त्यांनी विचारवेध संमेलन सुरू केले आहे. 

भारतीयांना गंभीर आणि सर्जनशील पणे विचार करण्यास सक्षम बनवणे.  हेच विचारवेधचे  प्रधान उद्दिष्ट असल्याचे आनंद करंदीकर यांनी शेवटी सांगितले.