तारापूर येथे कायदेविषयक शिबीर संपन्न

तारापूर येथे कायदेविषयक शिबीर संपन्न

                  पंढरपूर, (कटुसत्य वृत्त):- तालुका विधी सेवा समिती समिती  व अधिवक्ता संघ पंढरपूर यांच्या संयुक्त विद्यमाने कायदेविषयक जनजागृती उपक्रमांतर्गत बालकांचे हक्क, शिक्षणाचा अधिकार, बेटी बचाओ बेटी पढाओ तसेच बालकांचे संरक्षण कायदा या विषयावर  गंगाई सपाटे विद्यालय, तारापूर (ता.पंढरपूर) येथे मार्गदर्शन शिबीर आयोजित करण्यात आले होते.

                  पंढरपूर तालुका विधी सेवा समितीचे अध्यक्ष तथा जिल्हा न्यायाधिश एम.बी. लंबे यांच्या मार्गदर्शनाखाली कायदे विषयक शिबिराचे आयोजन करण्यात आले होते. यावेळी न्यायाधिश एस.एच.इनामदार, न्यायाधिश एम.आर.कामत, तालुका अधिवक्ता संघाचे अध्यक्ष ॲड. भगवान मुळे, ॲड. यु.सी. बागल, ॲड.सौ कोष्टी,  विद्यालयाचे प्राचार्य उपस्थित होते.

                  यावेळी सदर शिबीरात न्यायाधिश एस. एच. इनामदार कायदेविषयक मार्गदर्शन, न्यायाधीश एम. आर. कामत यांनी मुलांचे मुलभूत कर्तव्ये, अॅड. सौ. कोष्टी यांनी बेटी बचाओ बेटी पढाओ तर अॅड. यु. सी. बागल यांनी लहान मुलांचे अधिकार व पोक्सो कायद्याविषयी प्रशालेतील विद्यार्थी-विद्यार्थींना मार्गदर्शन केले.

कार्यक्रमाचे प्रास्ताविक तालुका अधिवक्ता संघाचे अध्यक्ष भगवान मुळे तर  सूत्रसंचलन राहुल बोडके तसेच आभार प्रदर्शन एम. एम. नाईकनवरे यांनी केले.  या कार्यक्रमास विधीज्ञ, तारापूरचे ग्रामस्थ, ग्रामसेवक, विद्यार्थी, शिक्षक-शिक्षीका, शिक्षकेतर व न्यायालयीन कर्मचारी उपस्थित होते.