स्वयंघोषित नावाजलेल्या यतीन शहाच्या प्रिसिजन कंपनीत कामगारांवर होतोय अन्याय...कामगार आयुक्त झोपलेत काय?

सोलापूर (कटूसत्य वृत्त):- चिंचोळी औद्योगिक वसाहतीत असलेल्या प्रिसिजन कॅमशाफ्ट कंपनीतील मेकॅनिकल पदावर कार्यरत असलेला आपला मुलगा महेश श्रीशैल बिराजदार वय 20 दिनांक 7 डिसेंबर 21 रोजी कंपनीतच इलेक्ट्रिक शॉक बसून 50 टक्के वर भाजला आहे.

महेश याच्यावर सध्या सिविल हॉस्पिटल मध्ये उपचार सुरू असून प्रकृती आटोक्यात नाही. प्रिसिजन व्यवस्थापन आणि इतर अधिकारी वर्ग या कामी जाणीवपूर्वक दुर्लक्ष करत आहेत.औषध उपचारासाठी खर्च मिळालेला नाही, तसेच कंपनीचे कोणीही भेटण्यासाठी टाळाटाळ करतात. उलट पोलिसांकडे; पत्रकारांकडे गेला तर जीव गेला तरी आम्ही मदत करणार नाही, असं सांगतात. अशी व्यथा महेश ची आई सरिता बिराजदार यांनी पत्रकार परिषदेत आज मांडली.

सात डिसेंबरला कंपनीच्या आवारात मशीनचा विद्युत पुरवठा सुरू असताना महेश यास तो मेकॅनिकल असूनही इलेक्ट्रिक विभागाचं काम देण्यात आलं काम करायला लावण्यात आलं असा आरोप महेश च्या आईचा आहे. अपघात झाल्यानंतर तेथील अधिकारी-कर्मचारी आर टी कोळेकर, एम एस माळवदकर आणि तिथे उपस्थित डॉक्टर जयदीप सुरेश तसेच तेथे असलेले दोघे गेस्ट यांनी डॉक्टर घाटोळे यांच्या हॉस्पिटल मध्ये महेशला उपचारासाठी दाखल केलं. सायंकाळी सात वाजता नातेवाईकांना ही माहिती कळवली. नातेवाईकांना पोलिसांमध्ये तक्रार करू नका असं वारंवार सांगण्यात आलं .असं सरिता बिराजदार आणि मामा अशोक मुडके यांचं म्हणणं आहे. आज गेली तीन महिने महेश याच्यावर डॉक्टर घाटोळे यांच्या हॉस्पिटल त्यानंतर इ एस आय हॉस्पिटल आणि आता सिव्हिल हॉस्पिटलमध्ये उपचार सुरू आहेत. प्रकृतीत फारशी सुधारणा नाही. कंपनी व्यवस्थापन फोन घेत नाही. भेटायला गेल्यानंतर हाकलून देतात असाही अनुभव यतीन शहा यांच्या निवासस्थानी गेल्यानंतर आला. तेथे स्वीय सहाय्यक म्हणून काम करणारे माधव देशपांडे, आदित्य गाडगीळ यांचा निरोप कार्यालयात भेटा असा आला .पण ते आता स्वतः फोनही घेत नाहीत आणि भेटतही नाहीत.

एका सर्वसामान्य तरुण, गरीब कर्मचाऱ्याची ही व्यथा असून कंपनी मालकांनी या प्रकरणी तातडीने लक्ष घालावं आणि चुकीचं वागणाऱ्या अधिकारी कर्मचाऱ्यांना पाठीशी घालू नये त्यांना जाब विचारावा पोलिस प्रशासनानेही या प्रकरणाची सखोल चौकशी करावी. सर्व सातही जणांची नावे तक्रारीत घ्यावीत. काही नाव वगळीत हे योग्य नाही. आमचा रुग्ण वाचावा एवढीच रास्त अपेक्षा आणि विनंती आहे ,असेही सरिता बिराजदार पत्रकार परिषदेत म्हणाल्या .त्यांचे कुटुंबीय पत्रकार परिषदेत उपस्थित होते.

यावेळी स्वीय सहाय्यक म्हणून काम करणारे माधव देशपांडे यांच्याशी संपर्क केला असता ते म्हणाले असे नेहमी अपघात होतात मी याविषयी अधिक माहिती घेऊन मी कळवतो.