थर्मल स्क्रिनिंग" बरोबरच आता शहरातील प्रत्येक नागरिकांच होणार "ऑक्सिजन स्क्रिनिंग"

थर्मल स्क्रिनिंग" बरोबरच आता शहरातील प्रत्येक नागरिकांच होणार "ऑक्सिजन स्क्रिनिंग"

नागरिकांच्या सुरक्षिततेसाठी सांगोला नगरपरिषदेचे मोठे पाऊल

सांगोला (प्रतिनिधी) कोरोना विषाणू चा संसर्ग राज्यात मोठ्या प्रमाणावर वाढत असताना दिसून येत आहे. सुरुवातीला एकही कोरोना रुग्ण नसलेल्या सोलापूर जिल्ह्यात देखील कोरोना बधितांची संख्या सतत वाढतच आहे. यासर्व पार्श्वभूमीवर सांगोला नगरपरिषदेने माघील 2 महिन्यात शहरातील नागरिकांच्या सुरक्षिततेसाठी अनेक उपक्रम अतिशय कार्यक्षम पध्दतीने राबविले आहेत. याचेच एक पुढचे पाऊल म्हणजे आता सांगोला नगरपरिषद शहरातील प्रत्येक नागरिकांच्या शरीरातील ऑक्सिजन चे प्रमाण "ऑक्सिमीटर" या उपकरणाच्या साहाय्याने मोजणार असल्याची माहिती मुख्याधिकारी कैलास केंद्रे यांनी दिली.

पल्स ऑक्सिमीटर हे उपकरण मानवी शरीरातील ऑक्सिजन चे प्रमाण मोजण्यासाठी वापरले जाते. हे उपकरण हाताच्या बोटांना लावले जाते व त्यावर येणाऱ्या रिडींग वरून शरीरातील ऑक्सिजन चे प्रमाण चटकन लक्षात येते. सामान्यपणे शरीरातील ऑक्सिजन चे प्रमाण 95% ते 98% इतके असते. जर हे प्रमाण 85% पेक्षा खाली खाली उतरत असेल तर ती चिंतेची बाब असू शकते. अनेक कोरोना बाधित रुग्णांमध्ये कुठल्याही प्रकारचे लक्षणे आढळून हेत नाहीत परंतु त्याच वेळी त्यांच्या शरीरातील ऑक्सिजन चे प्रमाण कमी कमी होत जाते. शेवटी परिस्थिती हाताबाहेर गेल्यावर रुग्णास कळत व रुग्ण दगावण्याची शक्यता जास्त होते.

नेमकी हीच बाब ओळखून सांगोला नगरपरिषदेने ही "ऑक्सिजन स्क्रिनिंग" ची मोहीम हाती घेतली आहे.

या ऑक्सिजन स्क्रिनिंग मोहिमेत प्रत्येक प्रभागात एक याप्रमाणे नगरपालिका कर्मचाऱ्यांचे 10 पथक तयार केले जाणार आहेत. प्रत्येक पथकामध्ये 2 याप्रमाणे एकूण 20 कर्मचारी शहरात घरोघरी फिरून शहरातील जवळपास 38,000 नागरिकांची ऑक्सिजन स्क्रिनिंग करतील.  यामध्ये तपासणी पूर्वी प्रत्येक नागरिकांच्या हातांना सॅनिटायझर ने निर्जंतुकीकरण करून त्यानंतर "पल्स ऑक्सिमीटर" उपकरनाने ही तपासणी केली जाणार आहे. ज्या व्यक्तींच्या शरीरातील ऑक्सिजन प्रमाण फार कमी आढळून येईल अश्यांना तात्काळ ग्रामीण रुग्णालय येथे पुढील उपचारासाठी आणले जाईल अशी माहिती सांगोला नगरपरिषद मुख्याधिकारी कैलास केंद्रे यांनी दिली.

शहरातील सर्व नागरिकांच्या सुरक्षिततेसाठी नगरपरिषद कटिबद्ध आहे. आतापर्यंत संपूर्ण शहराचा म्हणजेच जवळपास 38,000 नागरिकांचा ILI/SARI सर्वे नगरपालिका कर्मचाऱ्यांनी पूर्ण केला असून जवळपास 15000 नागरिकांचे आजअखेर "थर्मल स्क्रिनिंग" देखील पूर्ण झाले आहे. आता याबरोबरच सर्वांचं "ऑक्सिजन स्क्रिनिंग" केलं जाणार असून यामुळे कुठलही लक्षण नसताना देखील कोरोना बाधित व्यक्ती शोधण्यास मदत होईल व पर्यायाने कोरोना चा संभाव्य संसर्ग टाळता येईल. नागरिकांनी त्यांच्या घरी येणाऱ्या नगरपालिका कर्मचाऱ्यांना या तपासणीत सहकार्य कराव

- कैलास केंद्रे,मुख्याधिकारी सांगोला नगरपरिषद