सहयाद्री फार्मसी महाविद्यालयाच्या प्राध्यापिका एन. ए. तांबोळी यांनी अविष्कार -2019 स्पर्धेत प्रथम क्रमांक पटकावला

महाराष्ट्र शासनाच्या मार्गदर्शक सुचनेनूसार अविष्कार स्पर्धेचे प्रत्येक विद्यापीठात आयोजन केले जाते. व प्रत्येक विद्यापीठातून विविध क्षेत्रातून राज्यस्तरीय अविष्कार स्पर्धेसाठी विद्यार्थ्यांची व प्राध्यापकांची निवड केली जाते. विद्यार्थी व शिक्षक यांच्यामध्ये नवीन संशोधनाची आवड निर्माण करुन त्यांना प्रोत्साहीत करणे व त्यांच्या संशोधनाचा समाजकार्यात रुपांतर करणे हा या स्पर्धेमागचा हेतू आहे. पुण्यश्लोक अहिल्यादेवी होळकर सोलापूर विद्यापीठ सोलापूर आयोजित अविष्कार - 2019 स्पर्धा श्री संत दामाजी महाविद्यालय, मंगळवेढा येथे संपन्न झाली. या स्पर्धेत सहयाद्री कॉलेज ऑफ फार्मसी मेथवडे या महाविद्यालयातून अनेक विद्यार्थ्यांनी व प्राध्यापकांनी आपले संशोधन सादर केले. प्राध्यापक स्तरामधून महाविद्यालयाच्या प्राध्यापिका एन. ए. तांबोळी यांच्या फार्माकोलॉजिकल इव्हॅलुएशन ऑफ ऍ़ण्टीफर्टीलिटी ऍ़क्टीव्हीटी इन रॅट्स या संशोधन सादरीकरणास आरोग्यशास्त्र व औषधनिर्माणशास्त्र विभागात प्रथम पुरस्काराने सन्मानित करण्यात आले. वरील सन्मानित प्राध्यापिका एन. ए. तांबोळी यांची राज्यस्तरीय अविष्कार स्पर्धेकडे वाटचाल होणार आहे. तसेच बी. फार्मसी चतुर्थ वर्षामधील चि. प्रणव मेखले, व कु. सीमा काळे यांनी ही आपले संशोधन सादरीकरण करुन सहभाग दर्शविला. या विद्यार्थ्यांना प्रा. डॉ. आर. व्ही. हिरवे, अविष्कार समन्वयक डॉ. एम. जी. शिंदे व प्रा. ए. डी. माळी यांचे मार्गदर्शन लाभले.

या त्यांच्या यशाबद्दल संस्थेचे संस्थापक अध्यक्ष डॉ. दिलिपकुमार इंगवले सर, महाविद्यालयाचे प्राचार्य डॉ. मनोजकुमार एस. पाटील व इतर शिक्षक व शिक्षकेत्तर कर्मचारी यांनी अभिनंदन केले.