उपमुख्यमंत्री सुनेत्राताई पवार यांची दिपकराजे शिर्के यांच्यासोबत विविध मागण्यांवर चर्चा

 उपमुख्यमंत्री सुनेत्राताई पवार यांची दिपकराजे शिर्के यांच्यासोबत विविध मागण्यांवर चर्चा

मुंबई (कटूसत्य वृत्त):- मुंबई येथील कार्यालयात दि. १६ जुन २०२६ रोजी महाराणी येसुबाईंच्या माहेर कडील स्वराज्यनिष्ठ श्रीमंत राजेशिर्के घराण्याचे वंशज तथा राष्ट्रवादीचे नेते व राष्ट्रवादी काँग्रेस पार्टी माजी सैनिक सेलचे प्रदेशाध्यक्ष शंभुसेना प्रमुख दिपकराजे शिर्के यांनी राष्ट्रवादी काँग्रेस पार्टीच्या राष्ट्रीय अध्यक्षा, महाराष्ट्र राज्याच्या उपमुख्यमंत्री तथा पुणे जिल्ह्याच्या पालकमंत्री श्रीमती सुनेत्राताई अजितदादा पवार यांची भेट घेऊन विविध विषयांवर सविस्तर चर्चा केली. यावेळी राष्ट्रवादी सैनिक सेलच्या शिष्ठमंडळा कडून विविध मागण्यांसह प्रश्नांसंदर्भात लेखी निवेदन दिले.

             उपमुख्यमंत्री सुनेत्रावहिनी व सैनिक सेल प्रदेशाध्यक्ष दिपकराजे शिर्के यांच्या महत्वपूर्ण भेटीप्रसंगी राष्ट्रवादी पक्ष संघटन बांधणी, सध्याच्या राजकीय घडामोडी, शेतकरी कर्जमाफी, ऐतिहासिक सामाजिक विषयी, विविध समस्या, प्रश्नांसह आजी माजी सैनिक, पोलिस व संरक्षण क्षेत्रातील विषयांवर चर्चा करण्यात आली. महाराष्ट्र पोलीस भरतीमध्ये माजी सैनिकांना प्राधान्य मिळावे तसेच अधिक पदांना मंजुरी द्यावी, यासह सैनिकांच्या विविध प्रश्नांबाबत सविस्तर चर्चा झाली.

          चर्चे दरम्यान बोलताना उपमुख्यमंत्री सुनेत्राताईंनी मी व आपले सरकार कष्टकरी शेतकरी व देशभक्त आजी माजी सैनिकांच्या सन्मानासाठी तसेच हक्कांसाठी कायम आपल्या सोबत आहोत असा विश्वास दिला. याप्रसंगी राष्ट्रवादी माजी सैनिक सेलचे प्रदेशाध्यक्ष दिपकराजे शिर्के, प्रदेश उपाध्यक्ष श्रीमंत राठोड, प्रदेश संपर्क प्रमुख चंद्रकांत गायकवाड, माजी सैनिक चंद्रकांत ढेंबरे आदींसह राष्ट्रवादीचे प्रदेश पदाधिकारी, माजी सैनिक व मान्यवर उपस्थित होते.