अकलूज (कटूसत्य वृत्त):- येथील सहकार महर्षी शंकरराव मोहिते-पाटील जयंती समारंभ समिती आयोजित २९ व्या राज्यस्तरीय लावणी नृत्य स्पर्धेत मोडनिंब (जि. सोलापूर) येथील नटरंग सांस्कृतिक कला केंद्र ग्रुप पार्टीने प्रथम क्रमांक पटकावला. विजेत्या संघाला रु. ३ लाख रोख रक्कम व मानाचा चषक प्रदान करण्यात आला. पारितोषिक वितरण आमदार दिलीप सोपल यांच्या हस्ते झाले.
दि. २८ फेब्रुवारी व १ मार्च या दोन दिवसांत पार पडलेल्या या स्पर्धेत राज्यातील ११ संघांनी सहभाग घेतला. रंगतदार सादरीकरणांमुळे स्पर्धेला उत्स्फूर्त प्रतिसाद मिळाला.
इतर क्रमांक
-
द्वितीय क्रमांक (विभागून) :
-
रुक्मिणी अर्चना जोत्स्ना वाईकर पिंजरा सांस्कृतिक कला केंद्र, वेळे (ता. वाई, जि. सातारा)
-
प्रिया नगरकर न्यू अंबिका सांस्कृतिक कला केंद्र, यवत-चौफुला (जि. पुणे)
(प्रत्येकी रु. १ लाख व चषक)
-
-
तृतीय क्रमांक : वैशाली समसापूरकर, जय अंबिका सांस्कृतिक कला केंद्र, सणसवाडी (जि. पुणे) – रु. १ लाख व चषक
-
चतुर्थ क्रमांक : अलंकार सांस्कृतिक कला केंद्र, सुपा (जि. अहिल्यानगर)
-
पाचवा क्रमांक (विभागून) :
-
वैष्णवी कोल्हापूरकर, रेणुका सांस्कृतिक कला केंद्र, अंबप-वाठार (जि. कोल्हापूर)
-
अपर्णा किर्ती नगरकर, लक्ष्मी सांस्कृतिक कला केंद्र, सणसवाडी (जि. पुणे)
-
विशेष पारितोषिके
-
उत्कृष्ट मुजरा : नटरंग सांस्कृतिक कला केंद्र, मोडनिंब
-
उत्कृष्ट गायिका : राखी चौरे
-
उत्कृष्ट ढोलकी वादक : राहुल जावळेकर (रेणुका सांस्कृतिक कला केंद्र)
-
उत्कृष्ट हार्मोनियम वादक : अनिकेत साळुंखे (रेणुका सांस्कृतिक कला केंद्र)
स्पर्धेचे परीक्षक म्हणून माजी कुलगुरू मधुकर गायकवाड, समीक्षक डॉ. शशिकांत चौधरी व लेखक-पटकथाकार डॉ. चंद्रकांत जोशी यांनी काम पाहिले.
समारंभास समितीचे संस्थापक जयसिंह मोहिते-पाटील, स्पर्धा प्रमुख स्वरूपराणी मोहिते-पाटील यांच्यासह विविध संस्थांचे पदाधिकारी व लावणी रसिक मोठ्या संख्येने उपस्थित होते.
या यशामुळे मोडनिंब परिसरात आनंदाचे वातावरण निर्माण झाले आहे.
.jpg)
No comments:
Post a Comment