सहकार महर्षि साखर कारखान्याच्या वतीने छत्रपती शिवाजी महाराज यांची जयंती साजरी

सहकार महर्षि साखर कारखान्याच्या वतीने छत्रपती शिवाजी महाराज यांची जयंती  साजरी

अकलूज (कटूसत्य वृत्त):- सहकार महर्षि शंकरराव मोहिते-पाटील सहकारी साखर कारखान्याच्या वतीने हिंदवी स्वराज्याचे संस्थापक 'श्री छत्रपती शिवाजी महाराज" यांच्या ३९६ व्या जयंतीनिमित्त गुरूवार दिनांक १९/०२/२०२६ रोजी सकाळी ८:३० वाजता श्री शिवपार्वती देवालय, शंकरनगर येथील छत्रपतींच्या अश्वारूढ पुतळ्याचे विधिवत पूजन करून पुष्पहार अर्पण करणेचा सोहळा कारखान्याच्या संचालिका कु. स्वरूपाराणी जयसिंह मोहिते-पाटील व सयाजीराजे संग्रामसिंह मोहिते-पाटील, संचालक तथा नगरसेवक, अकलूज नगरपरिषद, अकलूज यांचे शुभहस्ते मोठ्या उत्साहात संपन्न झाला.

सहकार महर्षि कारखान्याचे मार्गदर्शक संचालक विजयसिंह शंकरराव मोहिते-पाटील, माजी उपमुख्यमंत्री, महाराष्ट्र राज्य तसेच कारखान्याचे चेअरमन  जयसिंह शंकरराव मोहिते-पाटील यांचे नेतृत्वाखाली दरवर्षी छत्रपती शिवाजी महाराज यांचे जयंतीनिमित्त विविध कार्यक्रमाचे आयोजन केले जाते.

सदर कार्यक्रमास कारखान्याचे व्हाईस चेअरमन शंकरराव माने-देशमुख, संचालक लक्ष्मण शिंदे,विराज निंबाळकर,रामचंद्र ठवरे व शिवसृष्टी किल्ला व शिवछत्रपती मल्टिमेडीया लेजर शो कमिटी संचालक पांडूरंग एकतपुरे, बाळासाहेब माने-देशमुख, दत्तात्रय चव्हाण,धनंजय सावंत, नामदेव चव्हाण,धनंजय दुपडे,अनिलराव कोकाटे, सौ. हर्षाली निंबाळकर, माजी संचालक भिमराव काळे,भारत फुले,शिवाजीराव सिद, बाळासाहेब पवार,मोहनराव लोंढे,धनंजय चव्हाण तसेच कार्यकारी संचालक राजेंद्र चौगुले व खातेप्रमुख, अधिकारी, पत्रकार, कार्यलक्षी संचालक, जयवंत माने-देशमुख तसेच सर्व कामगार व नागरीक मोठ्या संख्येने उपस्थित होते.