नगरपंचायत‎ निवडणुक ; सुनील तटकरे‎ यांची किसन‎ जाधवांनी‎ घेतली भेट

 नगरपंचायत‎ निवडणुक ; सुनील तटकरे‎ यांची किसन‎ जाधवांनी‎ घेतली भेट

सोलापूर (कटूसत्य वृत्त):- राष्ट्रवादी काँग्रेस‎ पक्ष‎ (अजित‎ पवार )‎ चे‎ प्रदेशाध्यक्ष‎ सुनील तटकरे‎ आणि महिला प्रदेशाध्यक्ष तसेच महिला आयोगाच्या अध्यक्षा‎ रूपाली चाकणकर‎ नगरपंचायत‎ निवडणुकीच्या‎ पार्श्वभूमीवर‎ कुर्डूवाडीत प्रचारसभेसाठी‎ दाखल‎ झाले.‎ या वेळी‎ पक्षाचे‎ प्रदेश उपाध्यक्ष‎ किसन‎ जाधव‎ यांनी‎ दोन्ही मान्यवरांचे‎ स्वागत केले नगरपंचायतीत राष्ट्रवादीचे सर्वाधिक नगरसेवक निवडून यावेत,‎ यासाठी हा‎ दौरा‎ आयोजित करण्यात आला होता.‎ यावेळी पक्षाच्या‎ ग्रामीण व शहरी संघटनांना‎ बळकट‎ करण्यावर‎ भर‎ देण्यात‎ आला.‎ सोलापूर महानगरपालिका निवडणुकीच्या‎ अनुषंगाने‎ महत्त्वाचा निर्णय‎ घेत प्रदेशाध्यक्ष‎ तटकरे‎ यांनी‎ माहिती दिली‎ की,‎ सोलापूर जिल्ह्याचे सहसंपर्क मंत्री व‎ विधानसभेचे‎ उपाध्यक्ष‎ अण्णासाहेब बनसोडे‎ यांचा‎ 27‎ ते‎ 29‎ नोव्हेंबरदरम्यान सोलापूर शहर‎ दौरा निश्चित करण्यात आला आहे. या कालावधीत‎ शहर जिल्हाध्यक्ष,‎ शहर कार्यकारिणी, प्रदेश‎ पदाधिकारी आणि कार्यकर्त्यांसोबत बैठका घेऊन‎ महापालिकेत अधिकाधिक‎ नगरसेवक निवडून आणण्याची‎ रणनीती‎ अंतिम‎ केली‎ जाणार आहे.

या‎ दौऱ्याचे‎ काटेकोर नियोजन करण्याच्या सूचना सुनील तटकरे‎ यांनी किसन जाधव‎ यांना देत,‎ पक्ष संघटन‎ मजबूत‎ करण्याला गती मिळाली‎ आहे.‎ याप्रसंगी करमाळ्याचे माजी आमदार‎ संजय मामा शिंदे,‎ ग्रामीण जिल्हाध्यक्ष उमेश पाटील, सोलापूर‎ शहर राष्ट्रवादी‎ सरचिटणीस संतोष उर्फ ऋतिक‎ गायकवाड, कुर्डूवाडी राष्ट्रवादी‎ तालुकाध्यक्ष दत्ता काकडे,‎ पवन‎ बेरे आदींची उपस्थिती‎ होती.