लोकमंगल कृषीजैवतंत्रज्ञान महाविद्यालयात "कृषी क्षेत्रातील उच्चशिक्षण संधी"व्याख्यान संपन्न

 लोकमंगल कृषीजैवतंत्रज्ञान महाविद्यालयात  "कृषी क्षेत्रातील उच्चशिक्षण संधी"व्याख्यान संपन्न

  सोलापूर (कटूसत्य वृत्त):- श्रीराम ग्रामीण संशोधन आणि विकास संस्था संचालित लोकमंगल कृषी जैवतंत्रज्ञान महाविद्यालयात " कृषी क्षेत्रातील उच्चशिक्षण संधी " या विषयावर मार्गदर्शनपर व्याख्यान आयोजित करण्यात आले होते.  या कार्यक्रमाला व्याख्याते म्हणून महाविद्यालयाचे  माजी विद्यार्थी महाविद्यालयाचे  माजी विद्यार्थी  वैभव गायकवाड (एम. एस. सी. पर्यावरणशास्र) हे लाभले होते. यामध्ये त्यांनी विद्यार्थ्यांना मार्गदर्शन करताना कृषी जैवतंत्रज्ञान या शाखे बदल माहिती सांगितली तसेच कृषी जैवतंत्रज्ञान क्षेत्रात पदवीधरांसाठी राष्ट्रीय बियाणे कंपन्या वनस्पती उतीसंवर्धन प्रयोगशाळा याठिकाणी शास्त्रज्ञ, तांत्रिक अधिकारी, याचबरोबर महाराष्ट्र राज्य सेवा आयोगाच्या स्पर्धा परीक्षांच्या माध्यमातून कृषी अधिकारी, कृषी सहायक यामध्ये असलेल्या करियरच्या संधी तसेच कृषी आधारीत कृषी सेवा केंद्र, फळप्रक्रिया उद्योग, कृषी विपणन यासारख्या व्यवसायाच्या विविध संधी यांची माहिती दिली. यासोबतच त्यांनी विद्यार्थ्यांना मार्गदर्शन करताना कृषी क्षेत्रातील उच्च शिक्षणासाठी तयारी कशी करावी, विद्यार्थ्यांनी त्यासाठी कोणकोणत्या स्पर्धा परीक्षा द्याव्या लागतात, तसेच या परिक्षांच्या माध्यमातून विद्यार्थी कोणकोणत्या शिष्यवृत्ती मिळवू शकतात याविषयी मार्गदर्शन केले. यामध्ये प्रामुख्याने महाराष्ट्र कृषि शिक्षण परिषदेमार्फत व राष्ट्रीय कृषी संशोधन परिषदेमार्फत घेण्यात येणार्‍या एम. एस. सी. कृषी व पी. एच. डी. कृषी या परिक्षांविषयी, त्यामध्ये उत्तीर्ण होण्यासाठी आवश्यक तयारीविषयी विद्यार्थ्यांना मार्गदर्शन केले. विद्यार्थ्यांनी विविध विषयांवर त्यांच्याशी चर्चा करून आपल्या शंकाचे निरसन करून घेतले.कार्यक्रमाच्या अध्यक्षस्थानी महाविद्यालयाचे प्राचार्य सागर महाजन होते.  या कार्यक्रमास प्रा. सायली बडेकर, प्रा. वर्षा मानदेशमुख, प्रा. अंकिता पवार, प्रा.आशिष सरकाळे तसेच महाविद्यालयातील सर्व विद्यार्थी उपस्थित होते.