सोलापुरात सोमवारपासून दोन दिवसांचा ग्रंथोत्सव

 सोलापुरात सोमवारपासून दोन दिवसांचा ग्रंथोत्सव

पालकमंत्र्यांच्या हस्ते होणार उद्घाटन

सोलापूर(कटूसत्य वृत्त):-जिल्ह्यातील ग्रामीण व शहरी जनतेत वाचन संस्कृती रुजावी, ग्रंथप्रेमींना एकाच ठिकाणी विविध ग्रंथ, साहित्य आणि वाड्.मय विषयक पुस्तके उपलब्ध व्हावीत, प्रकाशक आणि ग्रंथ विक्रेत्यांना एकाच ठिकाणी ग्रंथ विक्री करता यावी याच उद्देशाने जिल्हा ग्रंथालय अधिकारी कार्यालय आणि दयानंद शिक्षण संस्था यांच्या संयुक्त विद्यमाने सोमवार, दि. ११ आणि मंगळवार दि. १२ मार्च या दोन दिवसीय कालावधीत दयानंद शिक्षण संस्थेच्या वेलनकर सभागृह सोलापूर येथे ग्रंथोत्सवाचे आयोजन करण्यात आल्याची माहिती जिल्हा ग्रंथालय अधिकारी संतोष जाधव यांनी दिली. संसद सदस्य या ग्रंथोत्सवाचे उद्घाटन पालकमंत्री चंद्रकांत पाटील यांच्या हस्ते होणार आहे. कार्यक्रमाच्या अध्यक्षस्थानी डॉ. जयसिध्देश्वर शिवाचार्य महास्वामीजी हे उपस्थित राहणार आहेत. ग्रंथोत्सव कार्यक्रमाची सुरुवात ग्रंथ दिंडीने होणार असून, सोमवार, दि.११ मार्च रोजी सकाळी १० वाजता दयानंद काशीनाथ आसावा प्रशालेच्या प्रागणातून ते दयानंद संस्थेच्या वेलनकर सभागृह या कार्यक्रम स्थळापर्यंत निघणार आहे. ग्रंथदिंडीचा शुभारंभा पुण्यश्लोक अहिल्यादेवी होळकर सोलापूर विद्यापीठाचे प्र. कुलगुरु डॉ. लक्ष्मीकांत दामा यांच्या हस्ते होणार असून अध्यक्षस्थानी माध्यमिक शिक्षणाधिकारी सचिन जगताप असणार आहेत. दुपारी २ वाजता वाजता समाज माध्यमांचे मराठी साहित्यावरील परिणाम या विषयावार परिसंवादाचे आयोजन करण्यात आले असून कार्यक्रमाचे अध्यक्ष म्हणून ग्रंथमित्र हरिदास रणदिवे राहणार आहेत. तर पत्रकार अरविंद जोशी, भरतकुमार मोरे, शिवाजी शिंदे, देविदास गायकवाड यांचा सहभाग राहणार आहे. सायंकाळी ४ वाजता निमंत्रितांचे कवी संमेलन राजेद्र भोसले, यांचे अध्यक्षेखाली होणार असून डॉ. स्मिता पाटील (मोहोळ), लक्ष्मण हेबांडे (मंगळवेढा), फुलचंद नागटीळक (माढा ), इंद्रजीत पाटील (बार्शी), रविंद्र जवंजाळ (सांगोला), कवी. शिवाजीराव सातपुते, मारुती कटकधोंड, बढीउजमा बिराजदार, वंदना कुलकर्णी, रामप्रभु माने,रेणुका बुधाराम, वैभव कुलकणा, युवराज जगताप, हे सोलापूरचे कवी सहभागी होणार आहेत. मंगळवार, दि. ११ मार्च रोजी सकाळी ११ वाजता शिवचरित्र आणि शिवराज्याभिषेक या विषयावर ज्येष्ठ इतिहासकार डॉ. श्रीमंत कोकाटे यांचे मार्गदर्शन लाभणार असून अध्यक्ष म्हणून मनोरमा साहित्य परिषद सोलापूरचे श्रीकांत मोरे राहणार आहेत. दुपारी एक वाजता स्पर्धा परीक्षा यशाची गुरुकीली या विषयावर नेट सेट परीक्षा उत्तीर्ण विक्रमवीर धानव्या कौटगीमठ अक्लकोट हे मार्गदर्शन करणार आहेत. युनिक अकॅडमी पुणेचे संचालक संदीप जगदाळे अध्यक्ष म्हणून उपस्थित राहणार आहेत. ग्रंथोत्सवाचा समारोप सायंकाळी ४ वाजता वाचन संस्कृती काळाची गरज या विषयावर अक्कलकोट येथील श्रीमंत शहाजी राजे भोसले वाचनालयाच्या अध्यक्षा शैलशिल्प जाधव यांचे मार्गदर्शनाने होणार आहे. अतिथि म्हणून दयानंद विधी महाविद्यालयाच्या प्राचार्या श्रीमती. एस जे गायकवाड तर याप्रसंगी ग्रंथमित्र कुंडलीक मोरे कार्यक्रमाच्या अध्यक्षस्थानी असतील.