उजनी प्रकल्पातून रब्बीचे आवर्तन व पिण्याचे पाण्याचे माहे फेब्रुवारी 2024 पर्यंतचे नियोजन -पालकमंत्री चंद्रकांत पाटील

 उजनी प्रकल्पातून रब्बीचे आवर्तन व पिण्याचे पाण्याचे माहे फेब्रुवारी 2024

 पर्यंतचे नियोजन-पालकमंत्री चंद्रकांत पाटील

 

*उजनी प्रकल्पातून दिनांक 4 नोव्हेंबर 2023 पासून पाणी सोडण्याचा

 निर्णय, पाणी सोडल्यानंतर परिसरातील वीज खंडित करावी.

*उजनी प्रकल्पात 2 नोव्हेंबर 2023 अखेर 29.33 टीएमसी उपयुक्त

 पाणीसाठा उपलब्ध

*रब्बी हंगाम 2023-24 साठी 3.16 टीएमसी पाणी, तर उर्वरित रब्बी

 हंगामासाठी 44.27 टीएमसी पाणी सोडण्यात येणार.

*सोलापूर शहरासाठी भीमा नदीतून 5 टीएमसी तर हिळ्ळी कोल्हापूर

 पध्दतीच्या बंधाऱ्यापर्यंत 6 टीएमसी असे एकूण 11 टीएमसी पाणी

 सोडण्यात येणार.

      

सोलापूर,(कटूसत्य वृत्त):-सोलापूर लाभक्षेत्र विकास प्राधिकरण अंतर्गत उजनी प्रकल्पात दिनांक 2 नोव्हेंबर 2023 अखेर 29.33 उपयुक्त पाणीसाठा तर 63.66 मृत पाणीसाठा असा एकूण 92.99 टीएमसी पाणीसाठा उपलब्ध आहे. या उपलब्ध पाणी साठ्यातून रब्बीचे व पिण्याच्या पाण्याचे दोन आवर्तन माहे फेब्रुवारी 2024 अखेरपर्यंत पुरेसा राहील या पद्धतीने पाणी सोडण्याचा निर्णय घेण्यात आल्याची माहिती उच्च व तंत्र शिक्षण मंत्री तथा पालकमंत्री चंद्रकांतदादा पाटील यांनी दिली

.

         उजनी प्रकल्पातील उपलब्ध पाण्याच्या नियोजनाबाबत कालवा सल्लागार समितीच्या दूरदृश्यप्रणाली व्दारे आयोजित बैठकीत पालकमंत्री पाटील बोलत होते. यावेळी आमदार सर्वश्री बबनदादा शिंदे, संजयमामा शिंदे, समाधान आवताडे, सुभाष देशमुख, माजी मंत्री हर्षवर्धन पाटील हे दूरदृश्य प्रणाली द्वारे उपस्थित होते तर जिल्हाधिकारी कार्यालय येथून जिल्हाधिकारी कुमार आशीर्वाद, जिल्हा परिषदेच्या मुख्य कार्यकारी अधिकारी मनीषा आव्हाळे, उपजिल्हाधिकारी महसूल विठ्ठल उदमले, जलसंपदाचे अधीक्षक अभियंता धीरज साळी, कार्यकारी संचालक . कोल्हे, उजनी धरण व्यवस्थापन प्रकल्पाचे . मोरे, भीमा कालवा मंडळाचे अधीक्षक अभियंता  बागडे यांच्यासह संबंधित अधिकारी उपस्थित होते.