अखेर भ्रष्ट किरण लोहारला लाच घेताना केली अटक
भ्रष्टाचाराची 'किरणं' लोहारनी पोहोचवली शिक्षण विभागापर्यंत
सोलापूर (कटूसत्य वृत्त):- सोलापूर जिल्हा परिषदेतील प्राथमिक विभागाचे शिक्षणाधिकारी किरण लोहार हा प्रचंड भ्रष्टाचारी, अहंकारी, हेकेखोर व कायम वादग्रस्त म्हणून ओळख निर्माण झालेला नोकर. अखेर लाचलुचपत विभागाने त्याला लाच घेताना रंगेहाथ पकडले. त्यामुळे शिक्षण विभाग आणि जिल्हा परिषदेत खळबळ माजली आहे. ग्लोबल पुरस्कार विजेते शिक्षक रणजितसिंह डिसले गुरूजी यांच्यावर आरोप केल्याने लोहार आणखी चर्चेत आले होते.
दक्षिण सोलापूर तालुक्यातील एका संस्थेकडे शासकीय काम करण्यासाठी जिल्हा परिषदेचे प्राथमिक शिक्षणाधिकारी किरण लोहार यांनी पैशांची मागणी केली. पाचवी ते आठवीचे वर्ग वाढवण्यासाठी शाळेने वर्गवाढीच्या परवानगीची मागणी प्राथमिक शिक्षणाधिकारी किरण लोहारा यांच्याकडे केली होती. त्याचा आयडी देण्यासाठी ५० हजारांची लाच मागितली.
सुट्ट्यांमुळे पैसे द्यायला थोडा उशीर झाला होता. तक्रारदार व्यक्ती आणि शिक्षणाधिकारी किरण लोहार यांच्यात तडजोडी झाली.
तक्रार आल्यानंतर लाचलुचपत प्रतिबंधक विभागाने सोमवार दिनांक 31 ऑक्टोबर रोजी सायंकाळी सोलापूर जिल्हा परिषदेत सापळा रचला होता. तक्रारदार व्यक्तीकडून २5 हजार रुपयांची लाच स्वीकारताना शिक्षणाधिकारी किरण लोहार यांना रंगेहात पकडून लाचलुचपत प्रतिबंधक विभागाच्या सोलापुरातील पथकाने सोमवारी सायंकाळी जिल्हा परिषदेच्या शिक्षण विभागातून ताब्यात घेतल्याची माहिती मिळाली.
जिल्हा परिषदेच्या प्राथमिक शाळांची स्थिती सुधारण्याच्या बाता मारत शिक्षकांना उपदेशाचे धडे देण्यामुळे शिक्षणाधिकारी किरण लोहार चांगलेच चर्चेत आले होते. त्यांच्याविरूध्द जिल्हा परिषदेचे मुख्य कार्यकारी अधिकारी दिलीप स्वामी यांच्याकडे अनेक शिक्षकांनी तक्रारी केल्या होत्या. त्यावेळी स्वामी यांनी लोहार यांना नोटीस काढून काहीही न बोलण्याचा सल्ला दिला होता.
रविवारी (ता. ३०) किरण लोहार यांना उच्च व तंत्रशिक्षण मंत्री चंद्रकांत पाटील, राज्य उत्पादन शुल्क विभागाचे मंत्री शंभुराज देसाई यांच्या उपस्थितीत राज्यस्तरीय पुरस्कार मिळाला होता. त्याच्या दुसऱ्याच दिवशी ते लाच घेताना रंगेहाथ पकडले, हे विशेष. लाचलुचपतचे पोलिस निरीक्षक उमेश महाडिक यांच्या नेतृत्वाखालील पथकाने ही कारवाई केली.
.png)
.png)
.png)
.png)
0 Comments