सह्याद्री फार्मसीच्या डी.फार्मसी विद्यार्थ्यांचे वार्षिक परीक्षेत घवघवीत यश

सह्याद्री फार्मसीच्या डी.फार्मसी विद्यार्थ्यांचे वार्षिक परीक्षेत घवघवीत यश

                सांगोला (कटुसत्य वृत्त): डी.फार्मसी प्रथम व द्वितीय वर्षाच्या विद्यार्थ्यांची वार्षिक परीक्षा नुकतीच पार पडली.कोरोना रोगाच्या प्रादुर्भावानंतर ऑफलाईन पद्धतीने प्रथमच परीक्षा घेण्यात आली.कोरोना संकटामुळे विद्यार्थी शैक्षणिक दृष्ट्या अस्थिर झाला होता परंतु सह्याद्री फार्मसी महाविद्यालयाच्या अचूक धोरण,नियोजन,शिस्त व महाविद्यालयाचे असणारे शैक्षणिक वातावरण यामुळे डी.फार्मसीच्या विद्यार्थ्यांनी या सर्व संकटावर मात करून वार्षिक परीक्षेत घवघवीत यश प्राप्त केले त्याचे सर्व शिक्षकांनी व पालकांनी कौतुक केले. द्वितीय वर्ष डी.फार्मसी मधून प्रथम कु.ऋतुजा हणमंत नरनावर (८४.७० %), द्वितीय कु. अक्षदा औदुंबर गाडगे (८३.४०%) , तृतीय चि.काशिनाथ सिद्धाराम पाटील (८१.३०  % ) यांनी तर प्रथम वर्ष डी.फार्मसी मधून प्रथम कु.प्रविणा पांडुरंग आयरे  ( ८१. ३३    % ) , द्वितीय कु.पूजा गोविंद रुपनार ( ७७.१०% ), तृतीय कु.वैष्णवी विठोबा दुधाळ  ( ७६.७०% ) यांनी गुण मिळवून यश संपादन केले . 

                सर्व यशस्वी विद्यार्थ्यांचे संस्थापक अध्यक्ष डॉ. दिलीपकुमार इंगवले, प्राचार्य डॉ. मनोजकुमार पाटील यांच्यासह सर्व शिक्षक, शिक्षकेतर कर्मचारी व पालकांनी अभिनंदन करून त्यांच्या उज्वल भविष्यासाठी शुभेछया दिल्या.