महात्मा बसवेश्वर सामाजिक समता-शिवा पुरस्कारासाठी अर्ज करण्याचे आवाहन

 महात्मा बसवेश्वर सामाजिक समता-शिवा पुरस्कारासाठी अर्ज करण्याचे आवाहन

            सोलापूर (कटूसत्य वृत्त):- महात्मा बसवेश्वर सामाजिक समता-शिवा पुरस्कारा नियमावली बाबतचा शासन निर्णय दिनांक 08 मार्च, 2019 रोजी निर्गमित करण्यात आलेला आहे. सदर शासन निर्णयान्वये वीरशैव-लिंगायत समाजासाठी सामाजिक, कलात्मक, समाज संघटनात्मक, आध्यात्मिक प्रबोधन व साहित्यिक क्षेत्रात काम करीत असलेल्या व्यक्तीच्या व संस्थांच्या कामाची दाद/दखल घ्यावी व इतरांना त्यापासून प्रेरणा मिळावी, जेणेकरून या समाजातील समाजसेवक, कलावंत, समाज संघटनात्मक कार्यकर्ते, आध्यात्मिक प्रबोधनकार व साहित्यिक सरसावून पुढे यावेत याकरिता व्यक्तीसाठी एक व समाजिक संस्थांसाठी एक असे एकूण दोन पुरस्कार देण्यात येणार आहे, तरी जिल्ह्यातील पात्र व्यक्ती व संस्था यांनी विहित वेळेत अर्ज सादर करावेत असे आवाहन समाज कल्याणचे सहाय्यक आयुक्त कैलास आडे यांनी केले आहे.

            पुरस्कार सन 2018-19, 2019-20, 2020-21 व 2021-22 या चार वर्षांचा एकत्रित घेण्यात येणार असल्याने सर्व व्यक्ती व संस्था यांनी सन 2018-19, 2019-20,2020-21 व 2021-22 अशा चार वर्षांसाठी चार वेगवेगळे रितसर अर्ज करण्यात यावेत. तसेच अर्ज हे दिनांक 20/04/2022 रोजी पुर्वी सादर करण्यात यावेत. या पुरस्कारासाठी पात्रताबाबतची नियमावली दिनांक 08/03/2019 रोजीच्या शासन निर्णयासोबत जोडण्यात आलेली असून महाराष्ट्र शासनाच्या वेवसाईटवर संबंधित शासन निर्णय असून त्याचा संकेतांक क्रमांक. 201903082039003522 असा आहे.

            तरी इच्छुक संस्था व व्यक्ती यांनी सन 2018-19, 2019-20, 2020-21 व 2021-22 अशा चार वर्षांसाठी दोन वेगवेगळा रितसर अर्ज उपरोक्त पुरस्कारासाठी संबंधित जिल्ह्याच्या सहायक आयुक्त, समाजकल्याण यांच्याकडे दिनांक 20/04/2022 पर्यंत शासन पत्र दि.22/07/2019 अन्वये विहित केलेल्या नमुन्यामध्ये रितसर अर्ज करावा. अर्जासोबत नियमाप्रमाणे आवश्यक व योग्य ती माहिती जोडावी, असे समाज कल्याण कार्यालय मार्फत करण्यात आलेले आहे.