मराठा सेवा संघाचा वर्धापनदिन साजरा...
वृद्धाश्रमाला आर्थिक मदतीसह अन्नधान्य वाटप अनोखा उपक्रम
कुर्डूवाडी (कटूसत्य वृत्त):- मराठा सेवा संघाचा ३१ वा वर्धापनदिन टेंभुर्णी ता.माढा येथील गोविंद वृद्धाश्रमातील २६ निराधार वृद्धांकरीता गहू, तांदूळ, तेल,डाळी, साबण व मिठाईचे वाटप तसेच पाच हजार रुपयांची आर्थिक मदत करत कोरोना प्रतिबंधात्मक नियमांचे पालन करून साजरा करण्यात आला.
राष्ट्रमाता जिजाऊंच्या प्रतिमेचे पुजन करून जिजाऊ वंदना घेण्यात आली व वृद्धाश्रमातील निराधार वयोवृद्धासाठी अन्नधान्य,जीवनावश्यक वस्तू व जिल्हाध्यक्ष तात्यासाहेब पाटील यांच्या वतीने पाच हजार रुपये आर्थिक मदतीचा धनादेश प्रातिनिधिक स्वरूपात वृद्धाश्रमाचे संस्थापक संचालक दशरथ महाडिक-देशमुख यांच्याकडे सुपूर्द करण्यात आल्या.
बुके नव्हे तर बुक' देण्याचा संकल्प
लोकांची वाचनाची आवड कमी होत चालली आहे. प्रबोधनाची चळवळ वाढविण्यासाठी एकमेकांना विविध कार्यक्रमांच्या निमित्ताने 'बुके नव्हे बुक' देण्याचा विचार संस्थापक अध्यक्ष अॅड.पुरूषोत्तम खेडेकर यांनी मराठा सेवा संघाला दिला आहे. 'बुके नव्हे बुक' देण्याचा संकल्प मराठा सेवा संघाच्या माढा तालुक्यातील पदाधिकाऱ्यांनी वर्धापनदिनानिमित्त केल्याचे मराठा सेवा संघाचे तालुकाध्यक्ष निलेश देशमुख यांनी सांगितले.
.png)
.jpg)
No comments:
Post a Comment