घुलेंच्या शाही दरबार बियर बारला पोलिसांनी दाखविला हिसका,हॉटेल मालक फरार,मॅनेजर मात्र अटकेत !

सांगोला (कटूसत्य वृत्त):- " सध्या सांगोला शहर व तालुक्यात कोरोनाचा प्रादुर्भाव मोठया प्रमाणावर वाढत आहे . महाराष्ट्र शासनाकडून , जिल्हा अधिकाऱ्याकडून , सांगोला पोलीस स्टेशनकडून लॉकडाऊन चे नियम पाळण्याबाबत वेळोवेळी सुचना करण्यात आलेल्या आहेत . तरीही लोक त्या सुचनांचे पालन करत नाहीत . सांगोला पोलीसांनी वेळोवेळी मास्क न वापरणे , विनाकारण फिरणारे , सोशल डिस्टनस न पाळणारे , दुकाने निर्धारित वेळेत चालु न ठेवणारे अशा लोकांवर व संस्थेवर कारवाई करून दंडात्मक रक्कम वसुल करण्यात आली आहे . तसेच वाहनेही जप्त करण्यात आलेली आहेत . दुकाने सिल करण्यात आलेली आहेत . तसेच नियम न पाळणाऱ्यावर ही गुन्हे दाखल करून अटक करण्यात आलेली आहे . लग्न सोहळयामध्ये २५ पेक्षा जास्त लोक जमल्यामुळे त्याच्यावर ही गुन्हे दाखल करण्यात आलेली आहेत . अशा प्रकारे सांगोला पोलीसांनी कारवाई करूनही लोकांच्यात फरक पडत नाही .

दि . २४ एप्रिल रोजी संध्याकाळी पो.नि. भगवान निंबाळकर यांना गुप्त बातमी मिळाली की , जवळा येथील शाही दरबार बिअरबार व परमिट रूम , हे हॉटेल दिवसा ढवळया उघडे ठेवुन दारूची विक्री करत असल्याबाबत माहीती मिळाली होती. तात्काळ पो.नि. निंबाळकर व इतर कर्मचाऱ्यासह सायं साडे सहा वाजता त्या ठिकाणी छापा टाकला असता . सदर ठिकाणी हॉटेल शाही दरबार बिअरबार व परमिट रूम , जवळा चे मॅनेजर चंद्रकांत ईश्वर शिंदे रा . आलेगाव ता . सांगोला हे दारूची विक्री करत असताना आढळून आले . लागलीच दोन पंचा समक्ष पंचनामा करून हॉटेल शाही दरबार बिअरबार व परमिट रूम , जवळा हे पुढील आदेश येईपर्यंत सिल करण्यात आले व हॉटेल मालक इंद्रजित तानाजीराव घुले रा . जवळा ता . सांगोला व हॉटेलचे मॅनेजर चंद्रकांत ईश्वर शिंदे रा . आलेगाव ता . सांगोला यांचेवर सांगोला पोलीस ठाणे येथे गुन्हा दाखल करून हॉटेल मॅनेजर यास अटक करण्यात आलेली असुन हॉटेल मालक हे फरार आहेत . सदर कारवाई पो.नि. भगवान निंबाळकर , स.पो.नि. यमगर , पोहेकॉ / १२४२ बनसोडे , पोना / १६८२ मोहोळकर , पोकॉ / ६ ९ ० काळेल , पोकॉ / २२०६ चोरमुले व पोकॉ / १ ९ ७४ देशमुख यांनी केलेली आहे .

पुन्हा सर्व नागरिकांना आवाहन करण्यात येते की , जर शासनाचे नियम पाळले नाही,मास्क वापरले नाहीत , तर दंड आकारला जाईल . विनाकारण फिरणा -यांची वाहने जप्त करण्यात येतील , निर्धारित वेळेपेक्षा जास्त वेळ दुकान , परमिटरूम , बिअर बार उघडे ठेवल्यास सील केले जातील , लग्न सोहळयात २५ पेक्षा जास्त लोक आढळल्यास त्यांच्यावर गुन्हा दाखल करून अटक केली जाईल व मंगल कार्यालयावर पन्नास हजार दंड आकारला जाईल , अशा प्रकारे सांगोला पोलीस ठाणे कडून कडक कारवाई केली जाईल असा इशारा यावेळी पोलीस निरीक्षक भगवान निंबाळकर यांनी दिला आहे.