सम्मेद शहा यांची आंतरराष्ट्रीय जैन संघटनेत प्रसिद्धी प्रमुखपदी निवड

 सम्मेद शहा यांची आंतरराष्ट्रीय जैन संघटनेत प्रसिद्धी प्रमुखपदी निवड

पापरी (कटूसत्य वृत्त):- पापरी ता.मोहोळ येथील सम्मेद राजकुमार शहा यांची फेडरेशन ऑफ ऑफ हुमड जैन समाज या आंतरराष्ट्रीय स्तरावर काम करणाऱ्या जैन संघटनेच्या महाराष्ट्र-गोवा युवा प्रकोष्ट राज्य कार्यकारिणीत प्रसिद्धी प्रमुख म्हणून निवड करण्यात आली असून या निवडीची माहिती महाराष्ट्र-गोवा युवा प्रकोष्टचे राज्य अध्यक्ष संदेश गांधी यांनी दिली.
 आज पर्यंत जैन समाजासाठी दिलेले योगदान, विविध धार्मिक व सामाजिक केलेली कार्ये याची दखल घेत ही निवड करण्यात आल्याचे संदेश गांधी यांनी सांगितले. लवकरच महाराष्ट्रासह इतर राज्यातील नूतन पदाधिकाऱ्यांचा  शपथविधी समारोह इंदोर येथे संपन्न होणार आहे. ग्रामीण भागातून आंतरराष्ट्रीय  दर्जाच्या संघटनेत निवड होऊन काम करण्याची संधी मिळाल्याने त्याचे सोने करेन असे सम्मेद शहा यांनी सांगितले.
या निवडीबद्दल भारत वर्षीय दिगंबर जैन तीर्थक्षेत्र कमिटीचे महाराष्ट्र राज्य अध्यक्ष व श्री सन्मती सेवा दलाचे संस्थापक मिहीर गांधी यांच्यासह सोलापूर, अकलूज, नातेपुते, करमाळा, बारामती येथील विविध जैन संघटनेचे पदाधिकारी,पापरी पंच क्रोशीतून शहा यांचे अभिनंदन होत आहे.