एलएलबी अंतिम वर्षाच्या विद्यार्थ्यांसाठी मोठा दिलासा; एआयबीई परीक्षा आता वर्षातून दोनदा

 एलएलबी अंतिम वर्षाच्या विद्यार्थ्यांसाठी मोठा दिलासा; एआयबीई परीक्षा आता वर्षातून दोनदा

नवी दिल्ली (कटूसत्य वृत्त) :- अखिल भारतीय बार परीक्षा (एआयबीई) आता अंतिम वर्षाच्या एलएलबी विद्यार्थ्यांसाठी अधिक सुलभ होणार आहे. बार कौन्सिल ऑफ इंडियाने (बीसीआय) सर्वोच्च न्यायालयात सांगितले की, ही परीक्षा आता वर्षातून दोनदा घेतली जाईल आणि अंतिम सत्रातील विद्यार्थी त्यांच्या अंतिम परीक्षा उत्तीर्ण झाल्यानंतरच परीक्षेला बसू शकतील.

एआयबीई ही परीक्षा कायद्याच्या पदवीधरांना वकिली करण्यासाठी अनिवार्य असून, २०२४ मध्ये दाखल केलेल्या रिट याचिकेवर सुनावणीदरम्यान न्यायालयाने अंतिम वर्षाच्या विद्यार्थ्यांना परीक्षेला बसण्याची परवानगी देणारा अंतरिम आदेश पारित केला होता. न्यायालयाने म्हटले की, अंतिम वर्षाचे विद्यार्थी मध्येच परीक्षा सोडू नयेत, अन्यथा त्यांचे एक वर्ष वाया जाईल.

यासाठी बीसीआयने “एआयबीई नियम, २०२६” तयार केले असून, त्यानुसार अंतिम सत्रातील विद्यार्थ्यांना त्यांच्या अंतिम परीक्षेनंतरच बार परीक्षेत बसण्याची परवानगी मिळेल. बीसीआयच्या वकिलांनी सांगितले की, वर्षातून दोन वेळा परीक्षा घेतल्यामुळे विद्यार्थ्यांना अधिक संधी मिळणार आहे आणि त्यांचे करिअर अडथळ्याशिवाय पुढे चालू राहील.

ही सुधारणा विद्यार्थ्यांसाठी मोठा दिलासा ठरेल, कारण यामुळे त्यांना बार परीक्षेसाठी अतिरिक्त तयारीसाठी वेळ मिळेल तसेच परीक्षा सुटल्यामुळे करिअरमध्ये विलंब होणार नाही.