नांदेड येथे श्री गुरु तेग बहादुर जी ३५० वी शहीदी समागम कार्यक्रम

 नांदेड येथे श्री गुरु तेग बहादुर जी ३५० वी शहीदी समागम कार्यक्रम

 

सोलापूर (कटूसत्य वृत्त):- नांदेड येथे हिंद-दी-चादर श्री गुरु तेग बहादुर साहिबजी यांच्या ३५० वी शहीदी समागम कार्यक्रमाचे आयोजन दि. २४ व २५ जानेवारी २०२६ रोजी करण्यात आले आहे. महाराष्ट्र शासनाच्या अल्पसंख्यक विभागाच्या सहकार्याने तसेच राज्यस्तरीय समन्वय समिती व विविध समाजघटकांच्या सहभागाने हा ऐतिहासिक कार्यक्रम पार पडणार आहे. 
पत्रकार परिषदेत माहिती
सचखंड गुरुद्वारा व राज्यस्तरीय समितीने आयोजित पत्रकार परिषदेत संत ज्ञानी हारनाम सिंघजी, जथेदार भाई कुलवंत सिंघजी, भाई जोतिनदार सिंघजी, भाई कश्मीर सिंघजी, गुरमीत सिंघजी, भाई रामजी सिंघजी, महेंद्र रायचुरा, रामेश्वर नाईक व जिल्हाधिकारी राहुल कर्डिले यांनी कार्यक्रमाच्या नियोजनाची सविस्तर माहिती दिली. 
भाविकांची उपस्थिती
- देशभरातून दहा लाखांहून अधिक भाविक या कार्यक्रमाला उपस्थित राहणार असल्याचे मान्यवरांनी सांगितले. 
- महाराष्ट्र, पंजाब, मध्य प्रदेश, उत्तर प्रदेश, आंध्र प्रदेश आदी राज्यांतून विशेष रेल्वे गाड्यांची व्यवस्था करण्यात आली आहे. 
- भाविकांसाठी निवास, भोजन व प्रवासाची शासकीय स्तरावर मोठ्या प्रमाणात सोय करण्यात आली आहे. 
 
प्रशासनाची तयारी
- गेल्या महिन्याभरापासून जिल्हा प्रशासन व समितीने तयारी सुरू केली असून ती आता अंतिम टप्प्यात आहे. 
- शाळांमधून प्रभात फेऱ्या, निबंध व वकृत्व स्पर्धांचे आयोजन करण्यात आले आहे. 
- आसर्जन येथे उभारण्यात येणाऱ्या भव्य मंडप निर्मितीत जिल्हाधिकारी व प्रशासन एक हजार विद्यार्थ्यांसह श्रमदान करणार आहेत. 
 
मान्यवरांची उपस्थिती
या कार्यक्रमाला उत्तर प्रदेशचे मुख्यमंत्री योगी आदित्यनाथ, भारताचे गृहमंत्री अमित शहा तसेच अनेक संत, महात्मे, कीर्तनकार व शीख संत उपस्थित राहणार आहेत. 
कार्यक्रमाचे महत्त्व
- दोन दिवसीय या समागमात प्रवचने व कीर्तनाचे आयोजन होणार आहे. 
- शीख धर्मीयांसह सर्व धर्माचे अनुयायी मोठ्या संख्येने सहभागी होतील. 
- दया, क्षमा, शांती, प्रेम, त्याग व स्वातंत्र्य यांचा संदेश देणाऱ्या श्री गुरु तेग बहादुर जी यांच्या विचारांचा प्रसार घराघरात व्हावा, असे आवाहन आयोजकांनी केले आहे.