सिध्देश्वर कृषी व औद्योगिक प्रदर्शनाचा यशस्वी समारोप

 सिध्देश्वर कृषी व औद्योगिक प्रदर्शनाचा यशस्वी समारोप

सोलापूर (कटूसत्य वृत्त):-ग्रामदैवत शिवयोगी श्री सिध्दरामेश्वर यात्रेनिमित्त आयोजित राज्यस्तरीय श्री सिध्देश्वर कृषी व औद्योगिक प्रदर्शनाचे गुरुवारी यशस्वी समारोप झाले. या प्रदर्शनातून शेती आणि ग्रामीण जीवनाशी निगडित अर्थकारण व कृषी पूरक उद्योजकांना बळ देण्याचे महत्त्वाचे कार्य सुरू आहे, असे प्रतिपादन प्रमुख पाहुणे भोसले यांनी केले.

कार्यक्रमाच्या अध्यक्षस्थानी श्री सिध्देश्वर देवस्थान पंचकमिटीचे अध्यक्ष धर्मराज काडादी होते. यावेळी ज्येष्ठ सदस्य व प्रदर्शन समितीचे सदस्य गुरुराज माळगे, मल्लिनाथ मसरे, प्रभुराज मेंदर्गीकर, विजयकुमार बरबडे, पशुपतीनाथ माशाळ यांच्यासह इतर मान्यवर उपस्थित होते.

भोसले म्हणाले, “शेतीचा विकास झाल्यानंतर ग्रामीण भागात समृध्दी येते आणि त्याचा प्रत्यक्ष फायदा शहरालाही मिळतो. सिध्देश्वर कृषी प्रदर्शनाच्या माध्यमातून कृषी तंत्रज्ञान व पूरक उद्योगांना ग्रामीण भागातील शेतकऱ्यांपर्यंत नेण्याचे कार्य सतत सुरू आहे.”

प्रदर्शनाचे प्रास्ताविक कृषी प्रदर्शन समितीचे अध्यक्ष गुरुराज माळगे यांनी केले. त्यांनी यशस्वी आयोजनासाठी योगदान दिलेल्या सर्वांना आभार मानले.

पानदिवसीय प्रदर्शनात आधुनिक कृषी अवजारे, बी-बियाणे, नर्सरी व रोपवाटिका तंत्रज्ञान** नागरिकांच्या विशेष आकर्षणाचे केंद्र होते. दुनाकी, ट्रॅक्टर आणि इतर मशिनरीच्या आर्डर**साठी शेतकऱ्यांकडून उत्स्फूर्त प्रतिसाद मिळाला, अशी माहिती विजयकुमार बरबडे यांनी दिली. याशिवाय **पशु व डॉग प्रदर्शनात** महाराष्ट्र व कर्नाटकातून मोठ्या प्रमाणावर स्पर्धक सहभागी झाले.

कार्यक्रमात सहभाग घेतलेल्या संस्था व उत्कृष्ट स्टॉलधारकांना पाहुण्यांच्या हस्ते पुरस्कार देऊन गौरविण्यात आले. सोलापूर जिल्हा, मराठवाडा व कर्नाटकातून मोठ्या संख्येने शेतकरी व उद्योजकांनी या प्रदर्शनाला प्रतिसाद दिला.

धर्मराज काडादी यांनी सांगितले की, “गेल्या पाच दिवसांपासून सुरू असलेले प्रदर्शन अत्यंत यशस्वीपणे पार पडले. तंत्रज्ञानात होत असलेल्या झपाट्याने बदलाच्या पार्श्वभूमीवर आपल्याला आणखी पुढे जायचे आहे. कृषी प्रदर्शन सर्वाना सोयीस्कर होण्यासाठी सामूहिक प्रयत्नांची गरज आहे.”

प्रदर्शनात योगदान दिलेल्या काही प्रमुख संस्थांमध्ये जिल्हा कृषी अधीक्षक अधिकारी, कृषी तंत्रज्ञान व्यवस्थापन यंत्रणा (आत्मा), रोझ क्लब ऑफ सोलापूर, कांचन इंजिनीअर्स, ओम साई ट्रॅक्टर्स, न्यू मयूर अॅग्रीकल्चर वर्क्स, तिरुपती उद्योग समूह, स्वामी तंत्रज्ञान आणि संशोधन, मरूत ड्रोन, धारा अमृत ऑरगॅनिक, राजकमल आर्ट, अॅग्रीवाईब फार्मटेक, स्वतीक पाईप्स, लक्ष्मी हैड्रोलिक्स, लोकमंगल समूह, कृषी विज्ञान केंद्र, जिल्हा रेशीम कार्यालय, कोठारी अॅग्रोटेक, बालाजी यादव, तसेच विविध शेतकरी, विद्यार्थी व महाविद्यालये समाविष्ट होती.