सुदाम तथा उत्तरेश्वर शिंगाडे यांच्या लोकप्रियतेची संपूर्ण शहरभर चर्चा

 सुदाम तथा उत्तरेश्वर शिंगाडे यांच्या लोकप्रियतेची संपूर्ण शहरभर चर्चा

मोहोळ शहरातील सर्वाधिक दाट लोकवस्तीच्या

प्रभाग क्रमांक ९ मध्ये एक सर्वसामान्य युवक लढतोय विकासासाठीची एकाकी लढाई

आलिशान बंगले अन भारी गाडीवाल्यांच्या विरोधात मोटार मोटरसायकलवाल्या सुदामची तुतारीद्वारे लढाई

मोहोळ (कटूसत्य वृत्त):- नाव सुदाम तथा उत्तरेश्वर शिंगाडे एक सुशिक्षित नवयुवक. एका सर्वसामान्य आणि अतिशय हलाखीच्या कुटुंबात जन्मलेला एक अतिशय तल्लख मुलगा. गेल्या दहा वर्षापासून प्रभाग क्रमांक नऊ मधील प्रत्येक सर्वसामान्यांच्या संपर्कात राहून रस्ते, पाणी, आरोग्यविषयक समस्या सोडवण्यासाठी धडपड करतो. सर्वांचा द्वेष आणि विरोधी सहन करतो मात्र सर्वांशी नम्रपणे वागतो आणि प्रत्येकाचे हृदय जिंकतो. याच सुदामने मोहोळ शहराच्या दक्षिण भागातील निवडणूक आगळावेगळ्या प्रचाराने गाजवली आहे. या प्रभागामध्ये धनशक्ती विरुद्ध जनशक्ती असा सामना रंगताना दिसत आहे. एकीकडे कोट्यावधी रुपयांची यंत्रणा मैदानात उतरवणारे दिग्गज उमेदवार आणि दुसरीकडे फायनान्सच्या हप्त्यावर मोटरसायकलवर विश्वासू मित्र दिलीप पवार यांच्यासह प्रभागात विकासासाठी धडपडणारा युवक.

हाच सुदाम नगरपरिषदेला निवेदन देतो, प्रसंगी उपोषण करतो तर कधी अधिकाऱ्यांना विनंती करून प्रभागात मुरूम टाकून रस्ते करून घेतो. गटारीने खोदलेले रस्ते, अस्ताव्यस्त पसरलेला चिखल या सर्व बाबी पाहून तो प्रशासनाला सदरचे खड्डे काँक्रिटीकरणाने डांबरीकरणाने बुजवण्याची विनंती करतो. नगर परिषदेची निवडणूक लागल्यानंतर मोठ्या पक्षाकडून उमेदवारी मिळवण्यासाठी धडपड करतो. मात्र मोहोळ शहराच्या अंतर्गत हेव्या-दाव्याच्या आणि भांडवलदारांच्या ताब्यातील बंगला गाडी पाहून उमेदवारी देणाऱ्या सर्वपक्षीय राजकारणात त्याला दिग्गज पक्षाची उमेदवारी मिळू शकली नाही. कारण त्याच्यामागे लोक आहेत त्याला चांगला जनाधार आहे आता निवडून आलेला सुदाम नंतर आपल्या ऐकण्यात राहणार नाही या भावनेतून त्याचे खच्चीकरण करण्याचा झालेला प्रयत्नच त्याच्या जिद्दीला उमेद देतो. 

चौकट

 सुदाम याने शरदचंद्र पवार पक्षाची उमेदवारी घेत तुतारी घेऊन प्रचारामध्ये रंगत आणलेली. या प्रभागात अनेक हाय प्रोफाईल, आलिशान लाइफस्टाईलचे जीवन जगणारे बडे उमेदवार सुदाम यांनी उघड्या डोळ्याने पाहत असताना स्वतःच्या डोळ्यासमोर मात्र पायी चालत जाणारा मतदार ठेवला आहे. दररोज कामाला जाणारा युवक, सर्वसामान्यांच्या घरी मोलमजुरी करणारी महिला भगिनी या प्रत्येकाच्या मनामनात भिनलेला हा युवक मतदानाच्या निमित्ताने प्रभागात वादळाला तोंड देत उभा आहे. तूतारी चिन्हाच्या माध्यमातून मतदान मागणाऱ्या सुदामची चर्चा केवळ प्रभाग क्रमांक नऊ मध्ये नाही तर संपूर्ण शहरात आहे. त्यामुळे सुदामचा प्रचार त्याची एकहाती रणनीती त्याची धडपड, त्याची विकासाबद्दलची तळमळ त्याला निश्चितपणे विजयी करेल असा ठाम विश्वास त्याचा सन्मित्र असलेले दिलीप पवार यांनी माध्यमांशी बोलताना व्यक्त केला.