सिमुरगव्हाणाला ४ डिसेंबरला दत्तजयंती उत्सव व रामानंदाचार्य नरेंद्राचार्यजी यांचे प्रवचन !

कळंब (कटूसत्य वृत्त):- रामानंदचार्यांच्या दक्षिणपीठ नाणीजधामच्या सिमुरगव्हाण (जि. परभणी) उपपिठावर ४ डिसेंबर २०२५ रोजी श्री दत्तजयंती वारी उत्सव सोहळ्याचे आयोजन करण्यात आले आहे.

मराठवाडा पीठ प्रमुख जयप्रकाश लोणारी, पीठ सहप्रमुख विजय देशपांडे, व्यवस्थापक सुरेश मोरे, यांनी एका प्रसिध्दी प्रत्रकाद्वारे ही माहिती दिली आहे.

संस्थानाच्या वतीने अनेक सामाजिक उपक्रम राबविले जातात. त्यामध्ये उपक्रमामध्ये ग्रामस्वच्छता अभियान, शैक्षणिक उपक्रमांतर्गत इंग्रजी माध्यमांची मोफत शाळा, मोफत वेदपाठ शाळा, रक्तदान शिबिर, वैद्यकीय उपक्रमांतर्गत मोफत दवाखाना, १६२ जणांचे मरणोत्तर देहदान, आता पर्यंत ९० अवयवदान, मोफत रुग्णवाहिका सेवा, महाराष्ट्रात विविध महामार्गावर ५३ रुग्णवाहिका २४ तास अखंडपणे अपघातग्रस्तांच्या सेवेत मोफत कार्यरत आहेत. तसेच आर्थिकदृष्ट्या दुर्बल घटकांचे पुनर्वसन, महिला सक्षमीकरण अंतर्गत मोफत शिलाई यंत्र वाटप, मोफत घरघंटी वाटप, आपत्कालीन मदत उपक्रम, कायदेविषयक साक्षरता शिबिरे, रक्तदान शिबिर या वर्षी जानेवारी मध्ये घेण्यात आलेल्या रक्तदान शिबिरांच्या माध्यमातून अवघ्या १५ दिवसांमध्ये १,३६,२७९ रक्त कुपिंकांचे संकलन करण्यात आले, ब्लड इन नीड, "एक पेड माँ के नाम" वृक्षारोपण उपक्रमांतर्गत १,१०,६८७ वृक्षारोपण नोव्हेंबर २०२५ महिन्यांमध्ये करण्यात आले, इत्यादी उपक्रम आयोजित केले जातात.

या वारी उत्सव कार्यक्रमाच्या अनुषंगाने सामाजिक उपक्रमांतर्गत गरीब गरजू विद्यार्थ्यांना मोफत दुचाकी सायकल वाटप हा उपक्रम राबविण्यात येणार आहे. संध्याकाळी जगद्गुरु रामानंदाचार्य नरेंद्राचार्यजी यांच्या अमृतमय प्रवचनाचे आयोजन केलेले आहे.

या कार्यक्रमासाठी उपपीठ मराठवाडा अंतर्गत जिल्ह्यातील सर्व पदाधिकारी, कार्यकर्ते, भाविक भक्त, साधक, शिष्य, हितचिंतक यांनी दि. ४ डिसेंबर २०२५ रोजी दत्त जयंती वारी उत्सव व जगद्गुरु रामानंदाचार्य नरेंद्राचार्यजी यांच्या प्रवचन व दर्शन सोहळ्याचा लाभ घ्यावा. या सोहळयासाठी येणाऱ्या भाविकांसाठी कार्यक्रमाच्या दिवसी २४ तास महाप्रसादाची व्यवस्था करण्यात आली आहे. तरी या महंन्मंगल समयी सर्वांनी सहकुटुंब, सहपरिवार, आप्तइष्ट मित्रांसह उपस्थित राहून परमश्रद्धेय रामानंदाचार्य नरेंद्राचार्यजींच्या प्रवचन व दर्शनाचा अवश्य लाभ घ्यावा, असे आवाहन मराठवाडा पीठ समिती, जिल्हा सेवा समिती यांनी केले आहे.