रुग्णालय, सोलापूर येथे ‘स्वस्थ नारी सशक्त परिवार अभियान’चा भव्य शुभारंभ

 रुग्णालय, सोलापूर येथे ‘स्वस्थ नारी सशक्त परिवार अभियान’चा भव्य शुभारंभ

 

सोलापूर, (कटूसत्य वृत्त):- पंतप्रधान नरेंद्र मोदी यांच्या ७५ व्या वाढदिवसानिमित्त ‘स्वस्थ नारी सशक्त परिवार अभियान’चा शुभारंभ आज महिला रुग्णालय, सोलापूर येथे विविध मान्यवरांच्या उपस्थितीत संपन्न झाला.
कार्यक्रमात उपस्थित मान्यवरांमध्ये रोहिणी तडवळकर, चंद्रिका चव्हाण (संचालक, उद्योग वर्धिनी केंद्र), रंजीता चाकोते, सुधाहळी मोरे यांचा समावेश होता. याशिवाय वैद्यकीय व प्रशासकीय क्षेत्रातील पुढील अधिकारी उपस्थित होते:
- डॉ. सुहास कोरे – प्राचार्य, एचएफ डब्ल्यूटीसी, औंध, पुणे 
- डॉ. होस्माने – वैद्यकीय अधीक्षक, औंध उरो रुग्णालय, पुणे 
- डॉ. वर्षा डोईफोडे – जिल्हा शल्यचिकित्सक, सोलापूर 
- डॉ. संतोष नवले – जिल्हा आरोग्य अधिकारी, सोलापूर 
- डॉ. राखी माने – वैद्यकीय अधिकारी, सोलापूर महानगरपालिका 
- डॉ. चौधरी – स्त्रीरोगतज्ञ व विभाग प्रमुख, अश्विनी वैद्यकीय महाविद्यालय 
- डॉ. चंद्रकांत शिरसागर – प्रभारी वैद्यकीय अधीक्षक, महिला रुग्णालय 
- डॉ. श्रीकांत कुलकर्णी – निवासी वैद्यकीय अधिकारी, बाह्य संपर्क विभाग 
- डॉ. आशा घोडके – स्त्रीरोगतज्ञ, महिला रुग्णालय 
- डॉ. मीनाक्षी बनसोडे – जिल्हा क्षयरोग अधिकारी 
- डॉ. मोहन शेगर – सहायक संचालक, कुष्ठरोग विभाग 
- डॉ. नंदकिशोर घाडगे – अतिरिक्त जिल्हा आरोग्य अधिकारी 
- धनंजय वाळा – जिल्हा विस्तार व माध्यम अधिकारी
 
कार्यक्रमाचे सूत्रसंचालन डॉ. दळवी (जिल्हा सल्लागार, राष्ट्रीय तंबाखू नियंत्रण कार्यक्रम) यांनी केले. उपस्थितांना रक्तदान व स्वस्थ नारी सशक्त परिवार अभियानाची शपथ स्वप्नाली बिराजदार यांनी दिली. कार्यक्रमाचा समारोप व आभार प्रदर्शन डॉ. रोहन वायचळ यांनी केले.
लायन्स क्लब सेंट्रल सोलापूरचे अध्यक्ष स्वामीनाथ कलशेट्टी व सचिव दिनानाथ धुळम यांनी फळाहार तर रोटरी क्लब सोलापूरने अल्पोपहार पुरवून अभियानास सहकार्य केले.
या अभियानांतर्गत सोलापूर जिल्ह्यातील सर्व आरोग्य संस्था—उपकेंद्र, प्राथमिक आरोग्य केंद्र, ग्रामीण रुग्णालय, उपजिल्हा रुग्णालय, जिल्हा रुग्णालय आणि महिला रुग्णालय—यामध्ये २१ प्रकारच्या आरोग्य सेवा नागरिकांना उपलब्ध करून दिल्या जात आहेत. यामध्ये पुढील उपक्रमांचा समावेश आहे:
- गरोदर माता तपासणी व माता-बालक सुरक्षा कार्ड वाटप 
- लसीकरण, असंसर्गजन्य आजार व कर्करोग तपासणी 
- बालकांचे आरोग्य परीक्षण (शून्य ते १८ वयोगट) – उदा. एस.व्ही.सी.एस. हायस्कूल, अक्कलकोट रोड 
- भौतिक उपचार, कान-नाक-घसा, डोळे व दंत तपासणी 
- महिला व बालकांसाठी आहार सल्ला 
- प्रयोगशाळा तपासणी, रक्तक्षय तपासणी 
- मासिक पाळी स्वच्छता मार्गदर्शन 
- आयुष्मान भारत व महात्मा फुले जन आरोग्य योजना माहिती 
- प्रधानमंत्री जन आरोग्य योजना 
- रक्तदान शिबिर, महिला बचत गट सहभाग 
- ईसीजी तपासणी, अवयवदान प्रतिज्ञा शिबिरे 
- व्यसनमुक्ती जागरूकता सत्रे 
- मोफत औषध वितरण 
- शालेय आरोग्य तपासणी
या उपक्रमामुळे महिलांचे आरोग्य सशक्त होण्यास मदत होईल तसेच समाजात आरोग्यविषयक जागरूकता वाढविण्यास हातभार लागेल, अशी अपेक्षा व्यक्त करण्यात आली.