सहकार महर्षि कारखान्यातील ऊस तोडणी वाहतूकीची संपुर्ण रक्कम वाहतूकदारांना वर्ग

 सहकार महर्षि कारखान्यातील ऊस तोडणी वाहतूकीची संपुर्ण रक्कम वाहतूकदारांना वर्ग

अकलूज (कटूसत्य वृत्त):- सहकार महर्षि शंकरराव मोहिते-पाटील सहकारी साखर कारखान्याचे सिझन 2024-2025 मध्ये हंगाम अखेर पर्यंतची सर्व तोडणी वाहतूक बिले वाहन मालकांना आदा करणेत आली असल्याची माहिती कारखान्याचे चेअरमन जयसिंह मोहिते-पाटील यांनी दिली.

कारखान्याचे मार्गदर्शक संचालक व महाराष्ट्र राज्याचे माजी उपमुख्यमंत्री विजयसिंह मोहिते-पाटील यांचे कुशल मार्गदर्शनाखाली व चेअरमन जयसिंह  मोहिते-पाटील यांचे नेतृत्वाखाली कारखाना प्रगतीपथावर वाटचाल करीत आहे.

गळीत हंगाम 2024-2025 मध्ये सभासद, बिगर सभासद, दिर्घमुदत करारदार यांच्या गळीतास आलेल्या ऊसाची बिले शासनाच्या धोरणानुसार ज्या-त्या पंधरवड्यामध्ये त्यांच्या बँक खातेवर वर्ग करणेत आली असून ऊस तोडणी वाहतूकीची सर्व बिले शनिवार दि.22/03/2025 रोजी वाहतूदार यांचे बँक खातेवर वर्ग करणेत आली आहेत. तरी, गळीत हंगाम 2025-2026 करीता बैलगाडी, बजाट, ट्रक, ट्रॅक्टर व ऊस तोडणी यंत्राचे मालक व ठेकेदार यांनी जास्तीत जास्त तोडणी वाहतूकीचे करार करून गाळप हंगाम यशस्वीपणे पार पाडण्यासाठी सहकार्य करावे असे आवाहन कारखान्याचे कार्यकारी संचालक राजेंद्र चौगुले यांनी केले.

सदर प्रसंगी बैलगाडी, बजाट, ट्रक, ट्रॅक्टर व ऊस तोडणी यंत्राचे मालक व ठेकेदार तसेच कारखान्याचे अधिकारी व कर्मचारी उपस्थित होते.