खोंदला येथे अपात्र झालेल्या सरपंच यांनी त्यांच्या कालावधीत घेतलेल्या ठराव रद्द करून झालेल्या कामाची चौकशी करा!

१५ ऑगस्ट रोजी ग्रामस्थांचा उपोषणाचा इशारा .

(कटूसत्य वृत्त):-कळंब / तालुक्यातील खोंदला येथे अपात्र झालेले सरपंच निवृत्ती पवार यांच्या कालावधीत घेतलेले सर्व ठराव रद्द करावे व त्याचप्रमाणे त्यांनी केलेल्या सर्व कामाची विशेष पथक नेमून रितशिर चौकशी करावी अशी मागणी खोंदल्याचे माजी सरपंच ज्ञानेश्वर मुळीक यांच्यासह गावकऱ्यांनी जिल्हाधिकारी यांच्याकडे एका निवेदनाद्वारे केली आहे .

जिल्हाधिकारी यांना दिलेल्या निवेदनात म्हटले आहे की खोंदला ग्रामपंचायत मध्ये विविध विकास कामे केली असून या विकास कामाची चौकशी व्हावी त्याचबरोबर ग्रामपंचायत च्या नवीन इमारतीचे बांधकाम ठराव घेतलेल्या जागेवर न करता दुसऱ्याच ठिकाणी कमी जागेत बांधकाम करून निधीचा अफरातफर केली त्याचप्रमाणे नवीन बांधलेल्या ग्रामपंचायत मध्ये शौचालय न बांधकाम करताच इमारत पूर्ण बांधकाम झाल्याचे प्रशासनास दाखवण्यात आले. या इमारतीची विशेष पथका मार्फत रीतशीर चौकशी करावी अशी मागणीही यावेळी करण्यात आली आहे . त्याचबरोबर रोजगार हमी योजनेतून खोंदला गावात माळवाट चे काम ठराव न घेताच करून त्याचे पैसेही हडप केले आहेत . त्याचप्रमाणे गावातील असे अनेक रस्ते ग्रामपंचायत मध्ये ठराव न घेताच परस्पर केल्याने व त्याचा निधी हडप केल्या चे समोर आले आहे . अपात्र सरपंच यांनी दिशाभूल करणारे कागदपत्र जोडून निवडणूक लढवलीत्यानंतर कागदपत्राचे पडताळणी झाल्यानंतर ते अपात्र झाले आहेत . त्यांच्यावर कायदेशीर कारवाई करावी अशी मागणी ही गावकऱ्यांनी जिल्हाधिकारी यांच्याकडे लावून धरली आहे . पंधराव्या वित्त आयोगातील पैशावर गावातील विविध विकास कामे अपात्र सरपंचाने घाईघाईने केले आहेत .रोजगार हमी योजनेतून बोगस मजूर दाखवून वृक्षारोपणाचा कार्यक्रम न घेताच सर्व झाडे कागदावर चिटकून त्याचे दिले हडप केले आहेत . जलजीवन मिशनच्या नावाखाली गावात खोदकाम केले आहे पण काम मात्र झाले नाही . या कामामुळे गावात मोठमोठे खड्डे पडले असून त्याचा त्रास गावकऱ्यांना होत आहे . हे खड्डे तात्काळ बुजवावे व सर्व वरील कामाची चौकशी १२ ऑगस्टपर्यंत करावी अन्यथा सर्व ग्रामस्थ १५ ऑगस्ट रोजी गटविकास अधिकारी कार्यालय पंचायत समिती समोर उपोषण करण्याचा इशारा गावकऱ्यांनी जिल्हाधिकारी यांना दिलेल्या निवेदनात म्हटले आहे . या निवेदनावर माजी सरपंच ज्ञानेश्वर मुळीक, भागवत लांडगे , बालाजी लांडगे , कोंडीबा लांडगे ,बाळासाहेब मुळीक , दत्तात्रेय लांडगे , बाबुराव लांडगे ,सचिन सावंत , भास्कर लांडगे आदींच्या स्वाक्षऱ्या आहेत .

चौकट
जिल्हाधिकारी कार्यालयास पत्र धडकताच गटविकास अधिकारी यांनी दोन सदस्य चौकशी नेमली आहे . यामध्ये उपविभागीय अभियंता बांधकाम विभाग जिल्हा परिषद उस्मानाबाद व पंचायत समितीचे विस्ताराधिकारी टी .जे . जाधव यांचा यात समावेश आहे . हे दोन अधिकारी या संबंधाची चौकशी करणार आहेत . चौकशी निपक्षपाती करावी अशी मागणी ही गावकऱ्यांनी केली आहे .