मध केंद्र योजनेसाठी अर्ज करावेत जिल्हा ग्रामो्‌द्योग अधिकारी यांचे आवाहन

 मध केंद्र योजनेसाठी अर्ज करावेत जिल्हा ग्रामो्‌द्योग अधिकारी यांचे  आवाहन

सोलापूर(कटूसत्यवृत्त):-महाराष्ट्र राज्य खादी व ग्रामोद्योग महामंडळामार्फत मध केंद्र योजनेसाठी  ११ सप्टेंबर २०२३  पर्यंत अर्ज करण्याचे आवाहन जिल्हा ग्रामोद्योग अधिकारी ध्रुवकुमार बनसोडे यांनी केले आहे.

  मध उद्योगांना मोफत प्रशिक्षण, साहित्य स्वरूपात ५० टक्के अनुदान व ५० टक्के स्वगुंतवणूक, शासनाच्या हमीभावाने मध खरेदी, विशेष छंद प्रशिक्षणाचे सुविधा, मधमाशा संरक्षण व संवर्धनाची जनजागृती अशी या योजनेचे वैशिष्ट्ये आहेत. वैयक्तिक मधपाळ योजनेसाठीअर्जदार साक्षर असावा. स्वतःची शेती असल्यास प्राधान्य राहील. वय १८ पेक्षा जास्त  असावे. केंद्र चालक प्रगतशील मधपाळ योजनेसाठी अर्जदार दहावी पास असावा वय वर्ष २१ पेक्षा जास्त असावे . व्यक्तींच्या नावे अथवा त्या व्यक्तींच्या कुटुंबातील कोणत्याही व्यक्तींच्या नावे किमान एक एकर शेत जमीन किंवा भाडे तत्त्वावर घेतलेली शेतजमीन असावी. तसेच लाभार्थीकडे मधमाशापालन प्रजनन व मध उत्पादनात बाबतीत लोकांना प्रशिक्षण देण्याची क्षमता व सुविधा असावी. केंद्र चालक संस्थेसाठी संस्था नोंदणीकृत असावी. संस्थेच्या मालकीची किंवा दहा वर्षासाठी भाडे तत्त्वावर घेतलेली किमान एक एकर शेत जमीन तसेच संस्थेच्या नावे किमान एक हजार चौरस फूट सुयोग्य इमारत असावी. मधमाशापालन प्रजनन व मध उत्पादनात बाबतीत लोकांना प्रशिक्षण देण्याची क्षमता व सुविधा असावी.

   अधिक माहितीसाठी जिल्हा ग्रामोद्योग अधिकारी कार्यालय,(दूरध्वनी क्र.०२१७-२६००१२८) सोलापूर यांच्याशी संपर्क साधावा असे अवाहन जिल्हा ग्रामोद्योग अधिकारी बनसोडे यांनी केली आहे.