संजय राऊतांना झालेली अटक बेकायदेशीर', मुंबई हायकोर्टाची सर्वात मोठी टिप्पणी
संजय राऊतांना जामीन अन् कोर्टात टाळ्यांचा कडकडाट
मुंबई (कटूसत्य वृत्त):- महाराष्ट्राच्या राजकारणात आज एक मोठी घटना घडलीय. गेल्या तीन महिन्यांपासून न्यायालयीन कोठडीत कैद असलेले शिवसेनेते नेते संजय राऊत यांचा विशेष पीएमएलए कोर्टाने जामीन मंजूर केलाय.
संजय राऊत आणि शिवसेना पक्षप्रमुख उद्धव ठाकरे यांच्या गटासाठी हा खूप मोठा दिलासा मानला जातोय. राऊतांना जामीन मिळाल्यानंतर ईडीच्या वकिलांना त्यांच्या जामीनाला आव्हान करण्यासाठी मुंबई हायकोर्टात अर्ज केला होता. या अर्जात संजय राऊतांच्या जामीनाला स्थगिती देण्यात यावी, अशी मागणी करण्यात आली होती. पण मुंबई हायकोर्टाने ईडीची मागमी फेटाळली. विशेष म्हणजे मुंबई हायकोर्टाने खूप महत्त्वाची टिप्पणी केलीय.
संजय राऊत यांना झालेली अटक ही बेकायदेशीर आहे, असं हायकोर्टाने म्हटलं आहे. विशेष म्हणजे संजय राऊत यांनीदेखील कोर्टासमोर गेल्यानंतर प्रत्येक वेळा आमची अटक ही बेकायदेशीर असल्याचं म्हटलं होतं.
संजय राऊतांना कोणतंही कारण नसताना अटक केली, अशी टिप्पणी कोर्टाने केलीय. हायकोर्टाने विशेष पीएमएलए कोर्टाकडून देण्यात आलेल्या जामीन ऑर्डर वाचून ईडीचे कान टोचल्याची प्राथमिक माहिती मिळत आहे.
PMLA कोर्टाच्या ऑर्डरमध्ये नेमकं काय म्हटलंय? :
संजय राऊतांना कुठलंही कारण नसताना अटक केली, असं ऑर्डरमध्ये सर्वात आधी म्हटलं आहे.
संजय राऊत आणि प्रवीण राऊत यांना करण्यात आलेली अटक ही बेकायदेशीर आहे.
ईडीने प्रमुख आरोपी राकेश वाधवान आणि सारंग वाधवान यांना अटक केली नाही.
अनेक साक्षीदारांच्या जबाबातून वाधवान यांची मुख्य भूमिका समोर येतेय.
मात्र प्रवीण राऊत यांना दिवाणी वादासाठी अटक करण्यात आली.
या प्रकरणातील म्हाडाची भूमिका संशयास्पद वाटतेय. तरीही म्हाडाचा कुठलाही आरोप कर्मचारी आरोपी नाही.
जबाबदार एचडीआयएल, म्हाडा आणि सरकारी कर्मचाऱ्यांवर कुठलीही कारवाई केली नाही.
संजय राऊत यांना तब्बल 100 दिवसांनी जामीन मंजूर करण्यात आला आहे. मात्र ईडीनं (ED) कोर्टात जामीनाला स्थगिती देण्याची मागणी केली आहे. तसेच, या निकालाला हायकोर्टात आव्हान देण्याकरता आम्हाला संधी मिळायला हवी, असा युक्तिवाद ईडीच्या वतीनं करण्यात आला आहे. त्यामुळं आता ईडीच्या युक्तीवादावर कोर्ट काय निर्णय देणार हे पाहणं महत्त्वाचं ठरणार आहे. दरम्यान, राऊतांना जामीन मिळताच कोर्टात आज वेगळेच वातावरण पाहायला मिळालं. जामीन मिळताच कोर्टात टाळ्यांचा कडकडाट झाल्याचं पाहायला मिळालं.
.png)
.png)
.png)
.png)
1 Comments
French Roulette is a traditional variant that is typically coupled with the European and American video games. This variant makes use of a European wheel but offers its personal distinctive special bets, that we’ll be discussing extra on later within the information. One of the perks of the sport is that when you place a guess on the zero, you have got to|must you} lose, you'll receive half of your guess back. There additionally be|can be} the En 바카라 사이트 Prison rule, that when you wager on any even-money guess and lose.
ReplyDelete