कोंडीत सत्तराच्या प्रतिमेला जोडे मारो आंदोलन..!गणेश पाटलांनी केली मंत्रीच्या राजीनाम्याची मागणी

कोंडीत सत्तराच्या प्रतिमेला जोडे मारो आंदोलन..!
गणेश पाटलांनी केली मंत्रीच्या राजीनाम्याची मागणी

सोलापूर (कटूसत्य वृत्त): - संसदरत्न खा. सुप्रिया सुळे यांच्या बद्दल राज्याचे कृषिमंत्री अब्दुल सत्तार यांनी खालच्या पातळीवर जाऊन टीका केल्यामुळे त्यांच्याविरुद्ध सर्वत्र निषेध व्यक्त होत जात आहे.
उत्तर सोलापूर तालुक्यातील राष्ट्रवादी काँग्रेसच्या वतीने कोंडी येथे अब्दुल सत्तार यांच्या प्रतिमेला जोडे मारत सत्ताराचा अध्यक्ष गणेश पाटील यांनी चांगलाच समाचार घेतला.
उत्तर तालुका राष्ट्रवादी काँग्रेस पक्षाकडून सत्ताधारी मंत्री अब्दुल सत्तार यांच्या असभ्य वक्तव्याचा निषेध करत जोडेमार आंदोलन केले.
पुढे बोलताना गणेश पाटील म्हणाले की, राष्ट्रवादी काँग्रेस पक्षाच्या लोकप्रिय खा. संसदरत्न सुप्रियाताई सुळे यांच्या बद्दल महाराष्ट्र राज्यातील सध्याच्या सरकारमधील मंत्री अब्दुल सत्तार यांनी एका वृत्तवाहिनीवर अतिशय खालच्या पातळीची भाषा वापरल्याचा निषेध म्हणून उत्तर राष्ट्रवादी कॉंग्रेस कोंडी येथे जोडेमार करुन आंदोलन करण्यात आले.
यावेळी "नीम का पत्ता कडवा है, अब्दुल सत्तार भडवा है, पन्नास खोके खाऊन माजलेत बोके, या अब्दुल सत्तार चे करायचे काय? खाली डोके वर पाय, या ED सरकारच्या निषेध असो, राष्ट्रवादी कॉंग्रेस पक्षाचा विजय असो, सुप्रियाताई सुळे तुम आगे बढो हम तुम्हारे साथ है" अशा घोषणा उपस्थित राष्ट्रवादी पदाधिकारी कार्यकर्ते यांच्यावतीने देण्यात आल्या. दिवसागणिक सध्याच्या शिंदे फडवणीस सरकारमधील मंत्री महोदय राज्यातील महिला लोकप्रतिनिधी यांच्या बद्दल खालच्या भाषेतील टिप्पणी करत असून त्यांचा स्वतः वरील संयम ढासळत चालल्याचे दिसून येत आहे तसेच पन्नस खोके एकदम ओके ही बाब त्यांना प्रामुख्याने चांगलीच जिव्हारी लागल्याचे दिसून येत आहे व त्यामुळे सरकारमधील बेताल वक्तव्य करणाऱ्या अशा मंत्री आणि त्यांच्या वक्तव्याचा यापुढे खरपूस समाचार घेतला जाईल असे यावेळी उत्तर तालुका राष्ट्रवादी कॉंग्रेस च्यावतीने सांगण्यात आले.
या आंदोलनाला दत्तात्रय पाटील, दाजी भोसले, शाम लामकाने, पिंटू चवरे, शहाजी बोबडे, प्रविण भोसले, भिवाजी भोसले, अशय सुतार, सागर भोसले, शिवाजी मोरे अदीसह बहुसंख्य कार्यकर्ते उपस्थित होते.