रयत क्रांती संघटनेच्या राज्य सोशल मिडिया सेल अध्यक्ष पदी अमर पवार

रयत क्रांती संघटनेच्या राज्य सोशल मिडिया सेल अध्यक्षपदी अमर पवार

               बेंबळे  (कटूसत्य वृत्त):- रयत क्रांती संघटनेच्या व रयत क्रांती पक्षाच्या महाराष्ट्र राज्य सोशल मिडिया सेल अध्यक्ष पदी अमर पवार यांची निवड करण्यात आली असून रयत क्रांती संघटनेचे संस्थापक अध्यक्ष तथा माजी कृषि राज्यमंत्री आ.सदाभाऊ खोत व रयत क्रांती पक्षाचे संस्थापक अध्यक्ष सागर खोत यांनी मुंबई येथे राज्यव्यापी विस्तारित कार्यकारणी बैठकीत घोषणा करून ही निवड करण्यात आली. आ.सदाभाऊ खोत व सागर खोत यांच्या उपस्थिती मध्ये मुंबई येथे संघटनेचे व पक्षाचे राज्यव्यापी विस्तारित कार्यकारणी बैठक आयोजित केली होती.

               यावेळी संघटनेच्या व पक्षाच्या बैठकीस  रयत क्रांती संघटनेचे प्रदेशाध्यक्ष दिपक पगारे,माजी प्रदेशाध्यक्ष शिवनाथ जाधव, पक्षाचे प्रदेशाध्यक्ष भानुदास शिंदे, युवा प्रदेशाध्यक्ष पांडुरंग शिंदे,  महिला प्रदेशाध्यक्षा निताताई खोत, शिक्षक आघाडीचे एन.डी.चौगुले सर,  कार्याध्यक्ष व पक्षाचे प्रवक्ते दिपक भोसले व  सोलापुर जिल्हा समन्वयक प्रा.सुहास पाटील, राज्य प्रवक्ते जितुभाऊ अडेलकर, लालासो पाटील, वाहतुक संघटनेचे पश्चिम महाराष्ट्र अध्यक्ष बंजरंग भोसले,सोलापूर जिल्हाध्यक्ष शशिकांत थोरात, माढा तालुका अध्यक्ष दत्तात्रय गायकवाड, तसेच राज्यातील व अनेक जिल्हातील पदाधिकारी व कार्यकर्ते उपस्थित होते.

               यावेळी शेतकऱ्यांच्या प्रश्नावर आवाज उठवण्याचे आवाहन आ.सदाभाऊ खोत यांनी सर्व पदाधिकारी यांना केले.या निवडीनंतर अमर पवार यांनी आ.सदाभाऊ खोत व सागर खोत यांच्या मार्गदर्शनाखाली संघटना व पक्ष मजबुत करून, छत्रपती शिवाजी महाराज्यांच्या कार्यपद्धती प्रमाणे व भारतीय राज्यघटनेस आदर्श मानुन संघटनेत व पक्षात , शेतकरी,शेतमजुर,कामगार,विद्यार्थी व इतर समाज घटकांच्या हक्कासाठी व सन्मानासाठी काम करण्याचे आश्वासन दिले आहे.