सह्याद्री फार्मसी कॉलेजच्या डी.फार्मसी विद्यार्थ्यांची जलशुद्धीकरण केंद्र शिरभावीस भेट

सांगोला, (कटुसत्य वृत्त): सह्याद्री फार्मसी कॉलेज मेथवडे या महाविद्यालयातर्फे जलशुद्धीकरण केंद्र शिरभावीस भेटीचे आयोजन करण्यात आले होते. त्यानुसार नियोजनानुसार डी.फार्मसी प्रथम व द्वितीय वर्षातील विद्यार्थ्यांनी महाराष्ट्रजीवन प्राधिकरण उपविभाग शिरभावीच्या जलशुद्धीकरण केंद्रास भेट दिली.सामाजिक फार्मसी विषयांतर्गत क्षेत्र भेट म्हणून शिरभावीच्या जलशुद्धीकरण केंद्रास विद्यार्थ्यांनी भेट दिली. केंद्र शाखा अभियंता श्री.चंद्रकांत कोळी,उप-अभियंता श्री.दत्तप्रसाद नगरकर व त्यांचे सहकारी श्री.गणेश ढोले, श्री.भीमराव मोरे या सर्वानी विद्यार्थ्यांचे स्वागत करून माहिती दिली.

या भेटीत विद्यार्थ्यांनी जलशुद्दीकरण प्रक्रियेबद्दल सर्व माहिती जाणून घेतली तसेच त्यासाठी लागणारे उपकरणे,रसायने व प्रक्रिया याबद्दल माहिती संग्रहित केली.विद्यार्थ्यांनी विचारलेल्या प्रश्नास समर्पक उत्तरे उपस्थित अधिकारी वर्गाने दिली त्याबद्दल सर्वानी त्यांचे आभार मानले. हि भेट यशस्वी करण्यासाठी महाविद्यालयाचे प्राचार्य डॉ. मनोजकुमार पाटील, प्रा.आर.एम.कोळी, प्रा.व्ही.पी.आणेकर,प्रा.एस.एम.पवार ,प्रा.एम.एस.झाडे,प्रा.बी.एस.म्हेत्रे यांचे योगदान लाभले.