पुणे विभागातील 18 लाख 37 हजार 423 कोरोना बाधित रुग्ण बरे होऊन घरी विभागात कोरोना बाधित 19 लाख 6 हजार 195 रुग्ण-आयुक्त राव

 पुणे विभागातील 18 लाख 37 हजार 423 कोरोना बाधित रुग्ण बरे होऊन घरी 

 

विभागात कोरोना बाधित  19 लाख 6 हजार 195 रुग्ण
-आयुक्त राव

 

       पुणे, (कटूसत्य वृत्त):- पुणे विभागातील 18 लाख 37 हजार 423  कोरोना बाधित रुग्ण बरे होऊन घरी गेले असून विभागात कोरोना बाधीत रुग्णांची संख्या 19 लाख 6 हजार 195 झाली आहे. तर ॲक्टीव रुग्ण संख्या 29 हजार 508 इतकी आहे. कोरोनाबाधीत एकुण 39  हजार 264 रुग्णांचा मृत्यू झाला असून मृत्यूचे प्रमाण 2.06 टक्के आहे. पुणे विभागामध्ये बऱ्या होणा-या रुग्णांचे प्रमाण 96.39 टक्के आहे, अशी माहिती विभागीय आयुक्त सौरभ राव यांनी दिली.

            पुणे जिल्ह्यातील कोरोना बाधीत एकूण 11 लाख 273 रुग्णांपैकी 10 लाख 73 हजार 862 रुग्ण बरे होवून घरी गेले आहेत. ॲक्टीव रुग्ण 7 हजार 997 आहे. कोरोनाबाधित एकूण 18 हजार 414 रुग्णांचा मृत्यू झाला आहे. मृत्यूचे प्रमाण 1.67 टक्के इतके आहे तर बरे होणा-या रुग्णांचे प्रमाण 97.60 टक्के आहे. सातारा जिल्ह्यातील कोरोना बाधीत एकूण 2 लाख 31 हजार 537 रुग्णांपैकी 2 लाख 17 हजार 605 रुग्ण बरे होवून घरी गेले आहेत. ॲक्टीव रुग्ण संख्या 8 हजार 302 आहेत. कोरोनाबाधित एकूण 5 हजार 630 रुग्णांचा मृत्यू झाला आहे.

सोलापूर जिल्ह्यातील कोरोना बाधीत एकूण 1 लाख 86 हजार 751 रुग्णांपैकी 1 लाख 77 हजार 119 रुग्ण बरे होवून घरी गेले आहेत. ॲक्टीव रुग्ण संख्या 4 हजार 939 आहेत. कोरोनाबाधित एकूण 4 हजार 693 रुग्णांचा मृत्यू झाला आहे. 

               सांगली  जिल्ह्यातील  कोरोना बाधीत एकूण 1 लाख 86 हजार 160 रुग्णांपैकी 1 लाख 75 हजार 779 रुग्ण बरे होवून घरी गेले आहेत. ॲक्टीव रुग्ण संख्या 5 हजार 486 आहेत.  कोरोनाबाधित एकूण 4 हजार 895 रुग्णांचा मृत्यू झाला आहे.

 कोल्हापूर जिल्ह्यातील कोरोना बाधीत एकूण 2 लाख 1 हजार 474  रुग्णांपैकी 1  लाख 93 हजार 58 रुग्ण बरे होवून घरी गेले आहेत. ॲक्टीव रुग्ण संख्या 2 हजार 784 आहेत. कोरोनाबाधित एकूण 5 हजार 632 रुग्णांचा मृत्यू झाला आहे.कालच्या बाधीत रुग्ण संख्येच्या तुलनेत पुणे विभागात बाधीत रुग्णांच्या संख्येमध्ये 2 हजार 720 ने वाढ झाली आहे.यामध्ये पुणे जिल्ह्यात 683, सातारा जिल्ह्यात  739, सोलापूर जिल्ह्यात 535, सांगली जिल्ह्यात 580  तर कोल्हापूर जिल्ह्यात 183 अशी रुग्ण संख्येमध्ये वाढ झालेली आहे.

पुणे विभागामध्ये बऱ्या होणाऱ्या रुग्णांमध्ये एकूण 3 हजार 907 आहे. पुणे जिल्हयामध्ये 802, सातारा जिल्हयामध्ये 1 हजार 274, सोलापूर जिल्हयामध्ये 708, सांगली जिल्हयामध्ये 680 व कोल्हापूर जिल्हयामध्ये 443 रुग्णांचा समावेश आहे.  आजपर्यत विभागामध्ये एकुण 1 कोटी 42 लाख 12 हजार 764 नमून्याचा तपासणी अहवाल प्राप्त झाला. प्राप्त अहवालांपैकी 19 लाख 6 हजार 195 नमून्यांचा अहवाल सकारात्मक (पॉझिटिव्ह) आहे.