नागरिकांच्या मुलभूत सुविधांवर भर द्या- पालकमंत्री दत्तात्रय भरणे ड्रेनेज लाईनचे उद्घाटन

नागरिकांच्या मुलभूत सुविधांवर भर द्या- पालकमंत्री दत्तात्रय भरणे
ड्रेनेज लाईनचे उद्घाटन

            सोलापूर,(कटूसत्य वृत्त):- शहरातील वृंदावन नगर, जाईजुईनगर, गणेशनगर नालंदानगर, समृद्धीनगर, सिटीझन परिसरात ड्रेनेज लाईनच्या सुविधेमुळे नागरिकांची सोय होणार आहे. शहरात नव्याने वसाहती होत असल्याने येथील नागरिकांना रस्ते, पाणी, ड्रेनेजलाईन यासारख्या मुलभूत सुविधा देण्यावर भर देण्याचे आवाहन पालकमंत्री दत्तात्रय भरणे यांनी केले. 

            अमृत योजनेंतर्गत वृंदावन नगर, जाईजुईनगर, गणेशनगर नालंदानगर, समृद्धीनगर, सिटीझन येथील ड्रेनेज लाईनच्या उद्घाटनप्रसंगी भरणे बोलत होते. कार्यक्रमाला गटनेते आनंद चंदनशिवे, नगरसेविका सुनिता रोटे, गणेश पुजारी यांच्यासह गटनेते, पदाधिकारी, परिसरातील नागरिक उपस्थित होते. 

            विकासाचा निधी नागरिकांच्या सुविधेसाठी असून सामान्य नागरिकांना केंद्रबिंदू मानून त्यांना सोयीसुविधा देण्यात याव्यात. शहरातील आवश्यक विकास कामासाठी निधीची कमतरता भासू दिली जाणार नाही, असेही भरणे यांनी यावेळी सांगितले.