नसरापूर प्रकरणातील दोषीवर त्वरित फाशीच्या शिक्षेची अंमलबजावणी करावी

 नसरापूर प्रकरणातील दोषीवर त्वरित फाशीच्या शिक्षेची अंमलबजावणी करावी

सोलापूर (कटूसत्य वृत्त):- नसरापूर प्रकरणातील दोषी भिमराव कांबळे याला न्यायालयाने फाशीची शिक्षा सुनावून पीडितेला न्याय दिल्याबद्दल न्यायालय व महाराष्ट्र शासनाचे आभार व्यक्त करत, या शिक्षेची तातडीने अंमलबजावणी करण्यात यावी, अशी जोरदार मागणी सोलापूरातील नागरिकांनी केली.

यासाठी शहरातील **चौपाड विठ्ठल मंदिर** परिसरात मोठ्या संख्येने नागरिक एकत्र आले होते. उपस्थितांनी पीडितेला न्याय मिळाल्याचे समाधान व्यक्त करत, दोषीला कायद्यानुसार लवकरात लवकर फाशीची शिक्षा देण्यात यावी, अशी मागणी केली.

यावेळी **शिवसेना जिल्हाप्रमुख तथा सोमपा गटनेते अमोल बापू शिंदे** यांनी उपस्थितांना संबोधित करत, महिला व बालिकांवरील अत्याचार करणाऱ्यांविरोधात कठोर कारवाई होणे आवश्यक असल्याचे सांगितले. न्यायालयाने दिलेल्या शिक्षेची त्वरित अंमलबजावणी झाल्यास अशा गुन्ह्यांना आळा बसण्यास मदत होईल, असेही त्यांनी नमूद केले.

या कार्यक्रमास नगरसेवक सात्विक बडवे, नगरसेवक समाधान आवळे, प्रकाश अवस्थी, राजाभाऊ आलूरे, सागर पिसे, विनोद मोटे, जय मस्के, आयुब पठाण, प्रभाकर गायकवाड, वैभव जवळकोटे, अक्षय बिद्री, अनिताताई गवळी, रुपालीताई वाडेकर, खरात काका, दीनानाथ जाधव, राहुल गोयल, विनय ढेपे, बाळासाहेब पवार, शिवाजी गावडे, प्रवीण खरात, ओंकार शुक्ला यांच्यासह असंख्य माता-भगिनी व नागरिक मोठ्या संख्येने उपस्थित होते.

कार्यक्रमाच्या शेवटी उपस्थितांनी पीडितेला श्रद्धांजली अर्पण करत, महिलांच्या सुरक्षेसाठी कठोर कायद्यांची प्रभावी अंमलबजावणी करण्याची आणि न्यायालयाच्या निर्णयाची तातडीने अंमलबजावणी करण्याची मागणी केली.