श्री भैरवनाथ मंदिर वाशिंबे येथे उत्साहात कार्यक्रम

 श्री भैरवनाथ मंदिर वाशिंबे येथे उत्साहात कार्यक्रम

वाशिंबे (कटूसत्य वृत्त):- गुढीपाडवा आणि मराठी नववर्षाच्या शुभ मुहूर्तावर श्री क्षेत्र वाशिंबे येथील श्री भैरवनाथ मंदिर परिसरात भगवा ध्वज उभारणी आणि रक्तदान शिबिराचे आयोजन मोठ्या उत्साहात पार पडले.

सकाळी ९ वाजता भगवा ध्वज उभारणी सोहळा पार पडला. ग्रामस्थ मंदिर परिसरात भक्तांनी एकत्र येऊन तो उभारला. हा सोहळा पारंपरिक पद्धतीने साजरा करण्यात आला. यानिमित्ताने सर्व उपस्थितांनी नववर्षाच्या मंगल शुभेच्छा दिल्या. भगवा ध्वज उभारणीमुळे मंदिर परिसरात उत्साहाचे वातावरण निर्माण झाले.

त्याचबरोबर रक्तदान शिबिर आयोजित करण्यात आले होते. यावेळी ५७ रक्तदात्यांनी  शिबिरात  स्वयंस्फूर्तीने रक्तदान करून जीवनदानाचा भाग बनले. रक्तदानामुळे अनेक रुग्णांच्या जीवाला मदत होईल, असा विश्वास आयोजकांनी व्यक्त केला. शिबिर यशस्वी करण्यासाठी  जे.के.फाऊंडेशन आणि युवकांनी विशेष परिश्रम घेतले.

मान्यवरांच्या यांच्या शुभहस्ते कार्यक्रमाची सुरुवात झाली. यावेळी उपस्थितांनी भैरवनाथ महाराजांच्या दर्शनासह नववर्षाच्या शुभेच्छा आदान-प्रदान केल्या. वाशिंबे हे गाव भैरवनाथ महाराजांचे ग्रामदैवत म्हणून ओळखले जाते. हे प्राचीन मंदिर भिमा नदीकाठावर वसलेले असून, हिंदू-मुस्लिम ऐक्याचे प्रतीक म्हणूनही प्रसिद्ध आहे.

या कार्यक्रमामुळे गावात सकारात्मक आणि सामाजिक जाणिवेचे वातावरण निर्माण होते. सर्व भाविकांनी आगामी काळात अशा उपक्रमांना अधिक मोठ्या प्रमाणात सहभागी होण्याचे आवाहन केले.