प्रभाग 10 मधील प्रचारामध्ये शिवसेना शिंदे पक्षाचे उमेदवार दौलतराव तथा बंडू देशमुख यांची विजयी आघाडी

सहकारी उमेदवार राणीताई गोडसे यांच्या समवेत शेवटच्या टप्प्यात मतदारांशी गतिमान संपर्क सुरू

मोहोळ (कटूसत्य वृत्त):-

मोहोळ शहराच्या पश्चिम भागातील प्रभाग क्रमांक आठ मधून शिवसेना एकनाथ शिंदे पक्षात दमदारपणे एन्ट्री करत प्रवेश केलेले बंडू देशमुख प्रचाराच्या पहिल्या दिवसापासूनच जनसंपर्क मोठ्या प्रमाणात वाढवत प्रभाग क्रमांक आठ मधील वातावरण चांगलेच तापवले आहे. आता ते यापूर्वीच्या शिवसेनेबरोबर भाजपाला देखील कडवी टक्कर यशस्वीरित्या प्रभावी जनसंपर्क च्या माध्यमातून देत आहेत. प्रभागातील स्थानिक आणि प्रत्येकाच्या मदतीला धावून जाणारा युवा चेहरा म्हणून यापूर्वीपासूनच प्रभाग क्रमांक आठ मधील जनसंपर्क वाढवला होता. प्रत्यक्ष निवडणुकीच्या प्रचारात त्यांनी प्रत्येक घरापर्यंत आणि घरातील प्रत्येक मतदारापर्यंत जाण्याचा प्रामाणिक प्रयत्न करत शिवसेना शिंदे पक्षाचे धनुष्यबाण चिन्ह पोहोचवले आहे.

या प्रभागातील सर्व धर्माचे समाज बांधव त्याचबरोबर सर्व अन्य समाजघटकांशी बंडू देशमुख यांचा सर्वधर्मसमभाव आणि भाईचारा स्वरूपाचा आपुलकीचा भावबंध आजही कायम आहे. त्यामुळे सर्व समाज बांधवांशी सल्लामसलत करूनच प्रचारामध्ये जोर वाढवल्यामुळे त्यांचा विजय निश्चित आहे. शिवसेनेचे उपमुख्यमंत्री एकनाथ शिंदे यांच्या सभेनंतर शहरातील बदललेल्या वातावरणाचा मोठा प्रभाव या प्रभागात असल्यामुळे देशमुख यांच्या विजयाची खात्री शिवसैनिकांना झाली आहे.

चौकट

युवा नेते बंडू देशमुख हे या प्रभागातील स्थानिक उमेदवार असून धनुष्यबाण चिन्हावर त्यांनी निवडणूक लढवल्यामुळे या प्रभागातील प्रस्थापित पक्षाच्या उमेदवारांचे मात्र चांगलेच धाबे दणाणत आहे. सर्वधर्मसमभाव जपण्याबरोबर सर्व समाज घटकांशी अत्यंत निकोप आणि बंधूभावाचे धोरण त्यांनी स्वीकारल्याने या प्रभागातील प्रचारात बंडू देशमुख यांचा पाठिंबा वाढल्यामुळे अनेक पक्षांना स्वतःच्या विजयाची आशा धुसर वाटू लागली आहे. आणि बंडू देशमुख यांच्या विजयाच्या शक्यतेचे पारडे जड झाले आहे.

चौकट

बंडू देशमुख हे मोहोळ शहरातील दिवंगत ज्येष्ठ मार्गदर्शक शहाजीरावदादा देशमुख यांचे सुपुत्र असून त्यांच्या परिवारातील सर्व सदस्य या प्रभागाशी गेल्या अनेक दशकापासूनचा जनसंपर्क कायम ठेवून आहेत. देशमुख परिवाराचे या परिसरातील प्रत्येक सर्वसामान्यांशी आपुलकीचे आणि जिव्हाळ्याचे नाते आहे. गेल्या अनेक वर्षापासून सामाजिक क्षेत्रात कार्यरत असलेले बंडू देशमुख यांची राजकीय एन्ट्री या नगरपरिषद निवडणुकीच्या रूपाने झाल्यामुळे आता देशमुख परिवाराने आजतागायत कमावलेली माणुसकी, आपुलकी सर्वसामान्यांचे दुःख जाणून घेण्याची वृत्ती या निवडणुकीत त्यांना निश्चितपणे फलदायी ठरत आहे.