जीडीसी ॲण्ड ए आणि सीएचएम परिक्षाची तारीख जाहिर

 जीडीसी ॲण्ड ए आणि सीएचएम परिक्षाची तारीख जाहिर

        

 सोलापूर    (कटूसत्य वृत्त):-     शासकीय सहकार व लेखा पदविका मंडळ (जी.डी.सी. अँन्ड ए बोर्ड) यांचेकडून घेण्यात येणारी शासकीय सहकार व लेखा पदविका (जी.डी.सी. अँन्ड ए) परिक्षा व सहकारी गृहनिर्माण व्यवस्थापन प्रमाणपत्र (सी.एच.एम.) परीक्षा दिनांक 23,24 व 25 मे रोजी घेण्यात येणार आहे.

               परिक्षार्थीकडून ऑनलाईन पध्दतीनेच अर्ज स्विकारण्यात येणार आहेत. ऑनलाईन व्यतिरिक्त अन्य कोणत्याही प्रकारे या परिक्षेसाठी अर्ज स्विकारले जाणार नाहीत. तसेच ऑनलाईन अर्ज https://gdca.maharashtra.gov.in या संकेतस्थळावरच भरता येईल.

              परिक्षार्थीसाठी ऑनलाईन अर्ज भरण्याबाबत सविस्तर अधिसुचना विभागाच्या https://sahakarayukta.mahatashtra.gov.in या संकेतस्थळावर उपलब्ध आहे. ऑनलाईन अर्ज दिनांक 9 जानेवारी  ते 25 फेब्रुवारी 2025 या कालावधीत करता येतील. चलनाने बँकेमध्ये शुल्क भरावयाची मुदत दिनांक 28 फेब्रुवारी 2025 पर्यंत आहे.

             अधिक माहितीसाठी जिल्हा उपनिबंधक, सहकारी संस्था, सोलापूर कार्यालय, मध्यवर्ती प्रशासकीय इमारत, पहिला मजला, ई ब्लॉक, जुने जिल्हाधिकारी कार्यालय आवार, सोलापूर येथे कार्यालयीन वेळेत प्रत्यक्ष अथवा दुरध्वनीवरुन संपर्क साधावा  (दु. क्र. 0217-2629749) असे आवाहन जिल्हा उपनिबंधक, सहकारी संस्था किरण गायकवाड  यांनी  केले आहे.