समाज कल्याण विभागाच्या वतीने संविधान दिन उत्साहात साजरा

 समाज कल्याण विभागाच्या वतीने संविधान दिन उत्साहात साजरा

       

  

  सोलापूर (कटूसत्य वृत्त):-  दि. 26 नोव्हेंबर रोजी ‘संविधान दिना निमित्ताने  सहायक आयुक्त समाज कल्याण कार्यालयाच्या वतीने  डॉ. बाबासाहेब आंबेडकर पार्क चौक, सोलापूर येथील पुतळ्यास पुष्पहार अर्पण करून ,संविधानाच्या प्रास्ताविकेचे सामुहिक वाचन व संविधान अमृत महोत्सव वर्ष 2024-25 ‘‘घर घर संविधान ’’ अभियानाबाबत मार्गदर्शन करण्यात आले. तसेच संविधानाबाबत शाहीर सुरेश खाडे यांनी पोवाडा गायना करून , विद्यार्थ्यांनी मनोगत व्यक्त केले.

            सदर कार्यक्रमास अतिरिक्त आयुक्त सोलापूर महानगरपालिका मा. संदीप कारंजे, समाज कल्याणचे सहायक आयुक्त श्रीमती सुलोचना सोनवणे,  इतर मागास बहुजन कल्याण कार्यालयाचे सहायक संचालक श्रीमती मनिषा फुले , शासकीय वसतीगृहाचे गृहपाल व विद्यार्थी, सहाय्यक आयुक्त, समाज कल्याण कार्यालयातील कर्मचारी, जिल्हा जात पडताळणी समिती कार्यालय, विविध आर्थिक विकास महामंडळे यांचे अधिकारी व कर्मचारी, तालुका समन्वयक तसेच समतादूत व मान्यवर उपस्थित होते.अशी माहिती सहायक आयुक्त समाज कल्याण सोलापूर श्रीमती सुलोचना सोनवणे यांनी दिली .