महास्वयंम वेबपोर्टलवर तक्रार नोंदविण्यासाठी ई-मेल आयडी सुरू

 महास्वयंम वेबपोर्टलवर तक्रार नोंदविण्यासाठी ई-मेल आयडी सुरू

 

   सोलापूर (कटूसत्य वृत):- कौशल्य, रोजगार, उद्योजकता व नाविन्यता विभागामार्फत महास्वययंम (www.mahaswayam.gov.in) वेबपोर्टल विकसित करण्यात आले आहे.या   वेबपोर्टलवरील ऑनलाईन सेवा घेतांना लाभार्थी घटकांना येणा-या अडचणी व तक्रारींची नोंद करुन त्याचे निराकरण करण्यासाठी support@ese.maharashtra.gov.in हा ई-मेल आयडी सुरु करण्यात आला आहे. या ई-मेल वर आपली  तक्रारी व अडचणी नोंदण्यात यावी असे आवाहन जिल्हा कौशल्य विकास, रोजगार व उद्योजकताचे सहायक आयुक्त  सचिन जाधव यांनी केले आहे.

       कौशल्य विकास, रोजगार व उद्योजकता आयुक्तालय (www.rojgar.mahaswayam.gov.in) महाराष्ट्र राज्य कौशल्य विकास सोसायटी (https://kaushalya.mahaswayam.gov.in) महाराष्ट्र राज्य नाविन्यता सोसायटी (https://www.msins.in) याचा समावेश आहे. या पोर्टलद्वारे राज्यातील लाभार्थी घटकांना  कौशल्य विकास, रोजगार व उद्योजकता आयुक्तालय (www.rojgar.mahaswayam.gov.in) उमेदवार नोंदणी व नोंदणीचे अद्ययावतीकरण करणे. नियोक्ते नोंदणी व नोंदणीचे अद्ययावतीकरण करणे.  रिक्तपदे अधिसूचित करणे. रिक्तपदास अनुसरुन अॅप्लाय करणे. करिअर विषयक संधी, रोजगार मेळावा व रोजगार प्रोत्साहन कार्यक्रम यामध्ये इच्छूकता दर्शविणेबाबत ऑनलाईन सेवा देण्यात येतात.

 महाराष्ट्र राज्य कौशल्य विकास सोसायटी (https://kaushalya.mahaswayam.gov.in)- प्रशिक्षण संस्थांची नोंदणी. कौशल्य प्रशिक्षणासाठी नोंदणी. प्रशिक्षण संस्थांना बॅच वाटप. प्रशिक्षण संस्थांचे प्रशिक्षणाबाबतचे देयकाबाबत. प्रधानमंत्री कौशल्य विकास योजना, प्रमोद महाजन कौशल्य व उद्योजकता विकास अभियान,  महाराष्ट्र राज्य नाविन्यता सोसायटी (https://www.msins.in)- Startup बाबत नोंदणी करणे. स्टार्टअप यात्रा व आठवडा याबाबतची माहिती. हिरकणी,महिला उद्योजकता सेल याबाबतही ऑनलाईन सेवा देण्यात येतात.

             महास्वयंम वेबपोर्टलवरील वरील ऑनलाईन सेवा घेतांना अडचणी व तक्रारींची नोंद करुन त्याचे निराकरण करण्यासाठी support@ese.maharashtra.gov.in हा ई-मेल आयडी सुरु करण्यात आला आहे. या ई-मेल वर आपली अडचणी नोंदण्यात यावी तसेच याबाबत अधिक माहितीसाठी या कार्यालयाच्या ०२१७-२९५०९५६ या दूरध्वनीवर अथवा प्रत्यक्ष भेटीद्वारे जिल्हा कौशल्य विकास, रोजगार व उद्योजकता मार्गदर्शन केंद्र, नॉर्थकोट, पार्क चौक, सोलापूर येथे संपर्क साधावा. जिल्हा कौशल्य विकास, रोजगार व उद्योजकताचे सहायक आयुक्त  सचिन जाधव यांनी केले आहे.