ऊस दर संघर्ष समिती व ऊस वाहतूकदार, ऊस उत्पादक शेतकरी  भिडले  रस्त्यावर ?

सोलापूर जिल्हा ऊस दर संघर्ष समितीची प्रशासनाकडे धाव

 पंढरपूर (अमोल गुरव):- सोलापूर जिल्हा ऊस संघर्ष समितीच्या वतीने जिल्ह्यातील साखर कारखानदारांना ऊस दराच्या निर्णयासाठी दोन दिवसाची मुदत देण्यात येऊन निश्चित केल्याप्रमाणे दर मिळविण्यासाठी रस्त्यावरील आंदोलन करण्याचा निर्णय यावेळी जाहीर करण्यात आला होता.परंतु गेल्या चार,पाच दिवसांपासून ऊस दर संघर्ष समिती गांधीगिरी मार्गाने आंदोलन सुरू केले पण गेल्या दोन दिवसात ऊस उत्पादक शेतकरी, वाहतूकदार व समितीचे नेते  कार्यकर्ते यांच्यामध्ये बेबनाव दिसून आला त्याचा परिणाम म्हणून ऊस वाहतूक टॅक्टरचे टायर पंक्चर करने, फोडूने यावरून वादावादी झाली तर टॅक्टर चालक यांनी कार्यकर्ते यांच्या अंगावर गाडी चालवने अशा विविध कारणांमुळे आंदोलन चिघळत असल्याचे दिसताच याची दखल व दक्षता घेऊन प्रशासनाने त्वरित निर्णय घेण्यात आला आणि खाजगी व सह.साखर कारखाना  कार्यकारी संचालक, जनरल मॅनेजर, शेतकरी संघटनेचे नेते ऊसदर संघर्ष समितीचे पदाधिकारी यांच्या उपस्थित दि३१/१०/२०२२  रोजी सकाळी १०वा.नियोजन भवन येथे  मा. जिल्हाधिकारी यांच्या अध्यक्षतेखाली बैठक बोलावण्यात आली आहे .

जिल्ह्यातील उसाला अंतिम दर ३१०० रुपये आणि पहिली उचल विना कपात २५०० रुपये द्यावी, साखरेचा किमान हमीभाव ३५०० करण्यात  यावे यासह विविध ठराव पंढरपूर येथील ऊस परिषदेत करण्यात आले. रविवारी (दि. २३) पंढरपूर येथील छत्रपती शिवाजी चौक शिवतीर्थ येथे ऊस दर संघर्ष समितीची ऊस परिषद संपन्न झाली. या वेळी जिल्ह्याच्या विविध भागातून हजारो शेतकरी उपस्थित होते.सर्व शेतकरी संघटनांच्या पदाधिकाऱ्यांनी एकत्र येऊन ऊस दर संघर्ष समिती स्थापन केलेली आहे.ऊसदर संघर्ष समितीच्या आंदोलनाची दखल आता प्रशासनाने घेतली आहे. गेल्या अनेक दिवसापासून ऊस दर संघर्ष समिती सातत्याने उसाला पहिली उचल २५०० रुपये आणि फायनल बिल ३१०० रुपये मिळाले पाहिजे या मागणीसाठी मैदानात उतरली आहे.

आंदोलनाला कुठेतरी हिंसक वळण लागत आहे असे दिसताच सोलापूर जिल्ह्यातील प्रशासनाने सदर आंदोलनाची दखल घेतल्याने शेतकरी वर्गात समाधान व्यक्त केले आहे.प्रसार माध्यमातून ऊस दर संघर्ष समितीच्या वतीने सर्व ऊस उत्पादक शेतकरी तोडणे, वाहतूक करणारे, वाहन मालक यांना विनंती करण्यात येते की प्रशासनाने आपल्या लढ्याची दखल घेतली आहे तरी आणखी थोडा संयम बाळगला व ऊस तोडी थांबवल्या तर आपल्याला चांगला दर मिळू शकतो त्यामुळे सर्वांनी संयम पाळावा असे आवाहन ऊस दर संघर्ष समितीच्या वतीने करण्यात येत आहे.

ऊस दर संघर्ष समितीने ऊस ओहरलोड वाहतूक करणाऱ्या वाहनांवर कारवाईची करण्याची मागणी केली आहे तसं लेखी निवेदन देण्यात आले आहे तसेच उपप्रादेशिक परिवहन अधिकारी यांनी लागलीच कारवाई सुरू केली आहे त्यामुळे ऊस वाहतूक करणाऱ्या वाहनांवर कारवाई होणार का ? याकडे सर्वांचे लक्ष लागले आहे.