व्यापारी एकता दिनानिमित्त सोलापूर कृषी ‎उत्पन्न बाजार समितीच्या संघटनांच्या संयुक्त विद्यमाने रक्तदान शिबिर

व्यापारी एकता दिनानिमित्त सोलापूर कृषी ‎उत्पन्न बाजार समितीच्या संघटनांच्या संयुक्त विद्यमाने रक्तदान शिबिर

             सोलापूर (कटूसत्य वृत्त):- उत्तर सोलापूर‎ व्यापारी एकता दिनानिमित्त सोलापूर कृषी ‎उत्पन्न बाजार समितीच्या आवारातील‎ सर्व व्यापारी संघटनांच्या संयुक्त विद्यमाने रक्तदान शिबिर आयोजित करण्यात आले ‎ ‎ होते. या शिबिराला व्यापारी बांधवांनी भरभरून प्रतिसाद दिला. ६१ रक्तदात्यांनी‎ या रक्तदान शिबिरात सहभाग नोंदवला.भुसार आडत व्यापारी संघाच्या कै.विश्वनाथप्पा भोगडे सभागृहात कार्यक्रम ‎ ‎ आयोजित करण्यात आला होता .‎ ‎ कृषी उत्पन्न बाजार समितीचे सभापती‎ आमदार विजयकुमार देशमुख यांच्या‎ अध्यक्षतेखाली या कार्यक्रमाचे उद्घाटन‎ करण्यात आले .यावेळी भुसार आडत‎ व्यापारी संघाचे अध्यक्ष सुरेश चिक्कळी‎ यांनी केलेल्या प्रास्ताविकात व्यापार करत‎ असताना व्यापाराबरोबरच सामाजिक‎ बांधिलकी जपत व्यापारी बांधवांकडून‎ ‎रक्तदानासारखे उपक्रम राबविण्यात येत‎ असल्याचे सांगितले. त्याच बरोबर आडत‎ व्यापारी वर्गांच्या अडीअडचणीबाबत‎ विचार व्यक्त केले . यावेळी सिध्दय्या‎ स्वामी हिरेमठ, रियाज बागवान यांनीही‎ मनोगत व्यक्त केले केले. प्रमुख वक्ते सीए‎ श्रीधर रिसबूड यांनी इन्कम टॅक्स जीएसटी‎ व टीडीएस या कायद्यातील असलेल्या‎ तरतुदीचे महत्त्व व्यापारी वर्गांनी याबाबत‎ जागरूकतेने कामकाज करण्यासंबंधी‎ अभ्यासपूर्वक मार्गदर्शन केले . तसेच‎ कायद्यातील तरतुदीचे पालन‎ करण्यासंबंधी माहिती विषद केली.‎ यावेळी विजयकुमार देशमुख यांनी‎ संघटनेच्या सामाजिक कार्याचे कौतुक‎ करून व्यापारी एकता दिनानिमित्त‎ शुभेच्छादिल्या. अडीअडचणी सोडवून‎ सहकार्य करण्याचे आश्वासन दिले.‎व्यापारी एकता दिनानिमित्त कृषी उत्पन्न बाजार समितीत ६१ जणांचे रक्तदान‎.