पेठ येथील अनुसूचित जाती व नवबौद्ध मुलांच्या शासकीय निवासी शाळेसाठी प्रवेश प्रक्रिया सुरू

पेठ येथील अनुसूचित जाती व नवबौद्ध मुलांच्या शासकीय निवासी शाळेसाठी प्रवेश प्रक्रिया सुरू

        पुणे, (कटुसत्य वृत्त): राज्य शासनाच्या सामाजिक न्याय विभागांतर्गत आंबेगाव तालुक्यात पेठ येथील अनुसूचित जाती व नबवबौद्ध मुलांच्या शासकीय निवासी शाळेत सेमी इंग्रजी व मराठी माध्यमासाठी ६ वी ते १० वीच्या विद्यार्थ्यांसाठी प्रवेश प्रक्रीया सुरू करण्यात आली आहे.

            अनुसूचित जातीच्या मुलांसाठी ८० टक्के, अनुसूचित जमाती १० टक्के भटक्या विमुक्त जाती व जमाती ५ टक्के आणि विशेष मागास प्रवर्गासाठी २ टक्के व अपंग प्रवर्गातील विद्यार्थ्यांसाठी ३ टक्के जागा आरक्षित आहेत. 

            प्रवेशासाठी गुणपत्रक, शाळा सोडल्याचा दाखला, उत्पन्नाचा दाखला, जातीचा दाखला, महाराष्ट्र निवासाचे प्रमाणपत्र, विद्यार्थी नोंद पत्रिका, विद्यार्थी व पालकांचे रंगीत चार छायाचित्रे, विद्यार्थ्याचे आधारकार्ड व बँकेचे पास बुक आवश्यक आहे.

            प्रवेश अर्ज मुलांची निवासी शाळा पेठ (आंबेगाव), दिवे (सासवड), तरंगवाडी (इंदापूर) आणि चांडोली (राजगुरुनगर) येथे उपलब्ध आहेत, असे मुख्याध्यापिका व्ही.बी.खाडे   यांनी कळविले आहे.